تجارب، حكاوي، وشوية شطحات.

ليش بلوق، ليش دحين؟

يا أهلاً 🙏
هنا المكان الي حكتب فيه الي يعجبني الي حطلع من نفسي فيه الجوانب الي ابغى أطلعها، المكان الي اشارك فيه التجارب والأشياء الي احس ابغى أشاركها وأبغاها تفضل.
خلينا نتفق على شي كلامي هنا ما راح يكون منسق مرتب أو فيه تدقيق لغوي كتير، اخر إهتمامي الإملاء وقوانين اللغة، الحياة بسيطة. غالباً حكتب بالطريقة الي تريحني التلقائية بلغة عامية مفهومة قدر الإمكان. مع بعض المصطلحات بالانجليزي يعني فترة حكتب كده وكده. عربي 80% و English 20%

من زمان أبغى Blog

فكرة انه أبدأ  موجودة من زمان بس دايماً كان في شي يوقفني، أكتر شي كان موضوع انه حكتب عن أي جانب هل حتصير بلوق عن المواضيع التقنية ولا عن التجارة ولا السفر أو Spirituality أو عن veganism كنت متلخبط. صاحبي محباتشي دائماً كان يشجعني انه ابدأ Blog.
المهم وصلت الى أنه ياحبيبي سوي Blog وحط كل شي يعبر عنك فيه، ومع الوقت حقسم البلوق لتصنيفات حسب الإهتمامات عشان تصير أرتب.

ما اعرف ايش الشكل الي حتاخذه بس مع الوقت حيبان. الأكيد This is a space for my weird self to be exposed.

نحتاج ناس زيادة تبدأ

أؤمن مره انه نحتاج ندون زيادة، المدونات دائماً تحفظ المحتوى، وتوفره بطريقة سهلة لما تبحث عنه اون لاين، في مواضيع وتجارب كثير رهيبة ما بتتوثق عندنا، أو على الاقل في ناس بتوثقها على Snapchat وتختفي بعد يوم!
يحمس!! بصير أكتب هنا زيادة كل ما أحس وحتى أبدأ اوثق الأشياء القديمة الي ما قد كتبت عنها.
حب وسلام.. بدايات جديدة! 🙏💜

قصة الغلاف: صورة من خط 🛣 الطائف الرياض، في رحلة لذكرى مع محباتشي.


في بالك كلام؟

  1. 19 أكتوبر، 2017

    FINALLY 💃🏻🎶




    1
  2. 22 أكتوبر، 2017

    عالبركة




    1
  3. 9 ديسمبر، 2017

    حرفيًا ثقافة التدوين قليلة عندنا وهذا الشيء الي بيخلي المحتوى العربي فقير ، فيه ناس كثير بتقول كلام ومعلومات مو عند غيرهم بس بتضيع زي أي محتوى مفيد ثاني ، بالتوفيق لك ❤️




    1
  4. 11 ديسمبر، 2017

    حبيبي كاش ، وقعت على مدونتك بالصدفة ، من الاخت نوف حكيم في انستقرام ، حطتها عشان مدونة نظام العصيرات ، قريتها وكملت قراية باقي المدونات ، احب اقولك استمر ، لاتوقف ابدا ، حتى لو ماكان فيه مشاهدات عليها او تفاعل ، يوم من الايام الناس حتلقاها او حيوصلو لها بأي طريقة ، استفدت منها كثير جدا جدا خصوصا اني مهتم بموضوع اني ابدا اتحول لـ فيقن ، بس فعليا لسه مابدأت ، لكن مؤمن انه النظام الحقيقي اللي يناسب الجسم البشري والكون والطبيعة ، اهتماماتي قريبة من اهتماماتك ، عشان كدا بقولك لاتوقف كتابة ، اكتب🖤




    1
    1. 11 ديسمبر، 2017

      كلامك يسعد ويحمس الواحد انه يكمل يكتب.
      اشكرك 🙏💜
      وبالتوفيق لك في رحلة التغيير لنظام النباتي، ولو احتجت شي انا موجود.




      1
  5. 12 ديسمبر، 2017

    يا ليت اقدر اسوي Like !!




    1
    1. 12 ديسمبر، 2017

      كنت لسه بفكر احط “زر حُب”، ما في شي صدفة!! حطيته شكراً 🙏




      1
  6. 26 ديسمبر، 2017

    متشوقه لافكارك




    1
  7. 23 يونيو، 2018

    عرفت عنك بالصدفه من صحبتي..حاسه ف حاجه حلوة لما قعدت اقرا كلامك..
    جميل..اتمنى تستمر..✌

حرسلك الأشياء الجديدة الي بشتغل عليها