1- بودكاست عربية تعجبني

• سوالف بزنس
  أحب مشهور الدبيان واللي يقدمه، وهذا بودكاست رهيب وتزبيد عن البزنس.

• عيب
  مختلف ويجيب المواضيع اللي محد يتكلم فيها.

• جسدي
  يتكلم عن الجسم المواضيع متنوعة وتجارب وآراء الأشخاص مختلفة.

• طاقة حب
  أخيراً بودكاست عربي متخصص ويتكلم في مواضيع لها علاقة بالروحانيات، مميز مرة.

2- بودكاست أجنبية تعجبني

• The GaryVee Audio Experience
  بودكاست من مقابلات يسويها (غاري في) سواء في يوتيوب أو ستريم وتحول لبودكاست. تعجبني جرعة جيدة في ريادة الأعمال وصناعة المحتوى.

لو تبغى تكتشف برامج بودكاست عربية زيادة شوف موقع البودكاست العربي فيه دليل لبرامج البودكاست العربية حسب التصنيفات.

كتبت في: برامج بودكاست أحبها - كشميري.

طيب النقطة إنه مو دائماً كان في ناس تطوع وتسوي قروب للكلاس، وأحياناً كنت أنا أتطوع وأسوي قروب بس الموضوع كان قلق الدكتور يحط ورقة وكل أحد يكتب رقمه ومفروض تضيفهم كلهم في جوالك وبعدين تضيفهم للقروب، من جد هيصة وشيء مو عملي ويأخذ وقت.

فبعد ما طفشت من هذا الوضع جاتني فكرة وقررت أسويها.

كيف أسوي قروب واتس اب لكلاس في الجامعة

1. أول شيء أسويه أني أسوي قروب واتس اب، باسم الكلاس وأحط صورة حلوة أو أيقونة تمثل المادة.
2. أروح لمعلومات القروب تحديداً مكان الإضافة واضغط على “Invite to group via link” أو “دعوة الى المجموعة بواسطة رابط”.
3. كذا بيصير عندي رابط أقدر أعطيه اي شخص عشان يدخل القروب عن طريقه، مشكلة الرابط إنه طويل ومو مرتب، صعب إنه أعطيه لأحد يكتبه.
4. أروح لخدمة زي bitly.com وأضيف الرابط الطويل، عشان أسوي رابط مختصر مثلاً: bit.ly/class-mis
5. بعدها أطلب من الدكتور أني أطلع على السبورة وأحط الرابط هذا أو مثلاً لو في بروجكتر ممكن الدكتور يحطه في ملف وورد بخط كبير.
6. أقول لطلاب بعدها يكتبوا الرابط في المتصفح حق الجوال ويدخلهم تلقائياً في القروب

النتيجة

زبطت! وفجأة في ثواني أعداد مهولة تنضم للقروب بدون أي مجهود أو تعب زي أول. مره الطريقة مريحة. بعدها كمان أحط كل أحد Admin عشان لو أحد يبغى يضيف أي أحد ثاني ما كان موجود في هذاك اليوم، يقدر يضيفه بدون ما يرجع لي.

كتبت في: ضيف مجموعة لقروب WhatsApp بسهولة - كشميري.

الفرق إنه كثير الناس تلخبط في أنواع ووردبريس وكيف تستضيف موقعك عليه، عشان كذا هنا بوضح الفروقات. وأتكلم عن الفرق بين WordPress.com و WordPress.org.

لازم تعرف إنهم شيئين منفصلين. واحد تسجل فيه ويصير عندك مدونة، والثاني تحمل منه نظام ووردبريس وتثبته على سيرفر خاص فيك.

1- WordPress.com

كثير ناس تدخل موقع ووردبريس.كوم وتسوي مدونة مجانية وتبدأ تزبط فيها. هذي الطريقة محدودة جداً وكأنك دخلت تويتر وسويت حساب عليه. أنت ما تقدر تتحكم في صفحتك على تويتر غير في الحدود اللي تويتر بيسمح لك فيها. ولو تويتر يبغى يقفل حسابك راح يقفله.

سلبيات

• ما تقدر تتحكم كثير وتسوي تطويرات خاصة على النظام.
• أنسى فكرة تكلم مطور يطور لك عليه ويحسنه، لإنه كامل الملكية والتحكم عند ووردبريس. ما تقدر تسوي تطويرات خاصة.
• حيكون في إعلانات على موقعك في النسخة المجانية.
• مع الوقت لو كبر موقعك، حتحتاج تستخدم خطط مدفوعة تكلفتها تعتبر عالية بالمقارنة بسيرفر شخصي.

مميزات

• مجاني.
• سهل وسريع، وما يحتاج خبرة مسبقة في إنشاء موقع أو مدونة.
• ما تشيل هم الدعم الفني، والحماية، والأمور الخاصة بالسيرفر. لإنه ما عندك سيرفر في الأساس

2- WordPress.org

هنا إحنا نتكلم أنك تدخل موقع wordpress.org وتحمل النظام من موقعهم وتثبته على السيرفر الخاص فيك. هنا عندك تحكم أكبر في التطوير والتعديل وكل شيء تحت يدك. هذا اللي أنا أستخدمه شخصياً، أستخدم نظام ووردبريس على سيرفر شخصي وأطور عليه وأعدل زي ما أبغى، وعندي القدرة لإنه هذا مجالي تطوير وتصميم المواقع.

باستخدام نظام ووردبريس على سيرفرك، أنت كذا بتستخدم ووردبريس بكامل قوته كنظام إدارة محتوى (CMS) حقيقي، وأكثر من مجرد مدونة عادية.
“Sky is the limit”

مميزات

• النظام إستخدامه وتحميله مجاني. (مفتوح المصدر)
• عندك الحرية الكاملة في التعديل والتطوير.
• تقدر تستفيد من خدمات مطورين ومصممين كثير يقدروا يطوروا على موقعك ونظام ووربريس، حسب رغبتك.
• تقدر تثبت إضافات (plugins)، وقوالب (themes) اللي تبغاها وبدون قيود.
• محد يقدر يحاسبك على المحتوى اللي تنشره ويقرر يقفل موقعك. كل شيء تحت إدارتك ومسؤوليتك.

أشياء خليها في بالك

• حتحتاج دومين وسيرفر تستضيف عليه الموقع.
• تحتاج خبرة بسيطة في إنشاء موقع واستضافته. في شركات إستضافة كثيرة تسهل لك هذي الخطوة وتثبت لك النظام وقت الإشتراك (ما تحتاج خبرة برمجية عشان تبدأ).
• مسؤولية إدارة السيرفر والحماية حتصير أنت وشركة الإستضافة مسؤولين عنها، ووردبريس مالها دخل.

أيش أختار؟

1. أختار WordPress.com لو تبغى تجرب تبدأ مدونة أو موقع كتجربة وتشوف كيف الموضوع يمشي، ولو صار شيء جدي تقدر تنقل الموقع على سيرفر خاص، وفي طرق تسمح لك تنقل كل شيء، فلا تشيل هم.
2. أختار WordPress.org لو حتبدأ موقع ومشروع إحترافي وجدي، وتبغى يكون عندك الحرية في التعديل والتطوير. وسهولة التوسع وتكبير المشروع في المستقبل.

روابط مفيدة

• شوف هذي المقالة اللي توضح تفاصيل أكثر: ما هو الفرق بين ووردبريس WordPress.com vs WordPress.org
• أو بالانجليزي: WordPress.com vs WordPress.org
• للاستضافات – Hosting: أفضل 10 شركات استضافة WordPress

كتبت في: الفرق بين أنواع ووردبريس - كشميري.

كيف حنقل كل شي؟

هنا كانت مشكلتي إنه كيف حنقل كل الأغاني اللي عندي والـ Playlists لسبوتفاي من أنغامي، مره كانت مهمة لي هذي النقطة.

دورت عن خدمات ممكن توفر هذي الخدمة، وفعلاً لقيت!

الباقات

عندهم كذا باقة وحدة مجانية ووحدة مدفوعة. المجانية تنقل لك كل شيء بس أظن تحدك بالوقت أو شيء زي كذا، ما تقدر تنقل كل شيء في نفس الوقت.
أنا قررت أني اشترك في المدفوعة بـ 3 يورو. منها أدعم الخدمة الرهيبة هذي وأفتح مميزات زيادة.

المميزات

• تنقل قائمة الأغاني المفضلة.
• تنقل قوائم الـ Playlist.
• تنقل الألبومات.
• تنقل الفنانين.
• تحذف الأغاني المكررة.
• مزامنة مستمرة بين كذا منصة لو تبغى. (الباقة المدفوعة)
• وغيره زيادة… (كل المميزات)

مع الأسف صار هبل، وأكتشفت إنه Soundiiz شالت أنغامي من الخدمات اللي يقدروا ينقلوا منها، والسبب راجع إنه أنغامي قفلت الخيار عليهم!
شوف هذا الرابط لو لسه تبغى تنقل من أنغامي، تحتاج الطريقة شوية خطوات يدوية وحتقدر تنقل Playlists بس.

المنصات اللي تقدر تنقل منها وإليها

• Apple Music
• Spotify
• Youtube
• Youtube Music
• SoundCloud
• Deezer
• Google Music
• Amazon Music
• iTunes
• Angami (سابقاً، الله يهديهم )

وغيرهم كثير. القائمة الكاملة على موقع: https://soundiiz.com

عالم Spotify حلو
أكثر شيء كنت شايل همه قبل لأنقل إنه اواجه صعوبات إني اكتشف أغاني جديدة. بس مع الوقت أتعود عليا سبوتيفاي وصار يقترح أغاني على جوي، زي ما أنغامي كان يسوي.
أنغامي عنده مميزات أفتقدتها في سبوتيفاي زي الستوري وقوة دمج المنصة لأصحابك بطريقة حلوة.
بس في الناحية الثانية كسبت مميزات ثانية أرهبها لما أسافر وأقابل أحد تعجبني أغانيه أو أدخل كافيه وأسئلهم عن البلاي ليست، كلهم حيعطوني Spotify.
كمان جاتني فترة أحب أبحث عن Playlist المدينة اللي أنا مسافر لها، كثير ناس يكونوا مسويين أغاني على جو المدن.

كتبت في: كيف نقلت كل شيء لـ Spotify - كشميري.

لقيت برامج كثير تسوي هذا الشيء تحط لها الرقم وتفتح لك محادثة مباشرة بدون ما تضيف الرقم لجهات الإتصال Contacts وتقعد تدور عليه.

التطبيقات

تقدر تبحث عن “Open for WhatsApp” وراح تلاقي تطبيقات كثيرة، كلها تسوي المطلوب.

• Open for WhatsApp – أندرويد
• Click to chat – أندرويد
• لو كنت على iPhone مع الاسف Apple ما تسمح بهذا النوع من التطبيقات، بس في خيار بديل يتطلب أنك تنزل تطبيق Shortcuts شوف الفيديو اللي يشرحه.
• كمان في خيار ثاني وهوا أنك تستعمل موقع على الويب، وتضيفه للشاشة الرئيسية كتطبيق: WhatsApp Direct

كتبت في: أرسل لرقم WhatsApp بدون ما تضيفه - كشميري.

الحل

بحثت ولقيت الناس تنصح في تطبيق يخليك تقدر تعدل إعدادات الكاميرا وتلعب في درجة الإضاءة. البرنامج مو مجاني ومدفوع. سعره 29.99 ريال.

• تطبيق Webcam Settings

ما لقيت تطبيق غيره أو حلول ثانية مجانية من بحثي. أنصح بالتطبيق ويسوا كل ريال، حل لي المشكلة تماماً وحسن الكاميرا.زر حُب0

كتبت في: كيف زبطت كاميرا الـ iMac 🖥 - كشميري.

لما بدأت أسوي برامج بودكاست كنت بدور على طريقة عملية أتابع فيها التقييمات “Reviews” على iTunes بالذات إنه في تقييمات ما تظهر لك لو مثلاً كانت في الستور الأمريكي (US).

دورت عن خدمات ومواقع توفر الخدمة هذي ولقيت! أغلبها مدفوعة بس لقيت خدمة مجانية وعجبتني.

مواقع متابعة تقييمات البودكاست:

• PodcastReviews.me – موقع يوفر كذا باقة منها مجانية، ويرسل لك كل فترة التقييمات، بحكم أنه تجربتي مع الباقة المجانية فأحياناً مو كل التقييمات تظهر، ولكن ممتاز بشكل عام وكخدمة مجانية.
• Chartable – الخدمة مخصصة لإحصائيات البودكاست، تقدر تسجل فيها وتتابع التقييمات على بودكاستك، أو تبحث عن بودكاستك بدون ما تسجل.
• My Podcast Reviews – خدمة مدفوعة متخصصة في تقييمات البودكاست.
• Ratings Catcher – خدمة عامة، تخليك تتابع تقييمات بودكاست، تطبيق، أو مطعم.
• Review Bot – خدمة عامة، تخليك تتابع التقييمات للتطبيقات أو البودكاست.
• Podrover – خدمة مدفوعة متخصصة في تقييمات البودكاست.

تحديث:

على موقعي البودكاست العربي أشتغلت على تطويرات جديدة وأضفت قسم جديد لتقييمات ويسوي مزامنة بشكل مستمر لتقييمات المنشورة على متجر آيتونز (Apple Podcasts) ويعرضها لك على الموقع من مختلفة الدول. راح تتفاجئ بتقييمات ما كنت تعرف عنها. ضيف بودكاستك لدليل البودكاست العربي. وحتقدر كمان تتابع التقييمات وترد عليها.

كتبت في: متابعة تقييمات بودكاستك - كشميري.

السبب إنه جهازك تقعد تتفرج فيه على الأيقونات تنقز عشان بس تفتح تطبيق، حتى لو كان تطبيق عادي زي التقويم! هو الهارديسك البطيء. مو مواصفات جهازك في الغالب.

الـ SSD أسرع بكثير وراح يرفع لك سرعة القراءة والكتابة على القرص Read/Write.

من أول ما جبت الاي ماك وأنا ناوي أجيب SSD وأبدل اللي في الجهاز، بس كنت أحسب إني حقدر أصبر فترة! حقيقي ما قدرت الوضع سيء كان في كل شي، و Tasks بسيطة صارت تاخذ وقت ماله داعي. وكمان لو فتحت تطبيقات كثيرة الجهاز يبطئ مره.

قررت أجيب هاردسيك خارجي SSD وأثبت عليه macOS نظام التشغيل، ويصير يشتغل الجهاز من الهارديسك الخارجي Bootable.

كانت الخطة إني مع الوقت أفك الشاشة وأركبه داخلي كمان.

ملاحظة: أغلب أجهزة MacBook تجي بـ SSD، المعاناة لأجهزة الـ iMac.

أيش سويت؟

1. طلبت هارديسك داخلي – 1TB SSD
2. طلبت محول أو كفر هارديسك – Hard Disk Enclosure: عشان أقدر أستخدمه كهارديسك خارجي أو داخلي بعدين.
3. استخدمت Carbon Copy Cloner لنسخ كل شيء من الهارديسك الداخلي للخارجي

أيش صار؟

عملية التحويل كانت سهلة، بس أخذت وقت في عملية استنساخ كل شيء من الهارديسك القديم للجديد. تقريباً 6-9 ساعات. بعدها كل شيء أشتغل تمام وكل شيء صار سريع زي البرق

• سرعة أعلى بأضعاف Read/Write وإستخدام.
• ما في وقت إنتظار عشان أفتح تطبيقات عادية، ولا تنقيز
• صرت أقدر أفتح برامج أكثر رغم إني ما غيرت شيء في RAM بس لانه SSD سريع صار له فائدة ويستخدم كاحتياطي RAM.
• بعد سنة من الاستخدام، قررت ماله داعي أفتح الشاشة وأثبته من جوا. مو مضايقني وجود هارديسك خارجي.
• سويت فورمات للهارديسك الداخلي HDD وخليت معظمه Time Machine Partition أذكى شيء سويته.

فرق السرعة SSD VS HDD

نصائح سريعة

• لا تشتري أي جهاز في هذا العصر يجي بهارديسك HDD أو على الأقل خليك جاهز إنك تغيره.
• في حال كنت بتحول الهارديسك تأكد إنه الهارديسك الجديد اللي حيكون Bootable ومثبت عليه النظام، يكون مفرمت بصيغة APFS عشان ما تواجه مشاكل مستقبلاً في تحديث النظام.
• أستغل موضوع Time Machine وخطط له في Partitioning، حينقذك كثير.
• تأكد من نوع الـ enclosure اللي بتاخذه “الكفر حق الهارديسك” لو عندك مدخل Type c خذ واحد يدعم Type c لانه بيكون اسرع من الـ USB العادي.

المشتريات وروابط مفيدة:

• WD Blue 3D NAND 1TB Internal SSD
• External Hard Drive Enclosure: UGREEN
• فديوهات شرح Cloning ونسخ كل شيء – YouTube
• تطبيق Blackmagic Disk Speed Test لقياس السرعة.

زر حُب2

كتبت في: iMac على هارديسك خارجي SSD - كشميري.

الي أستوعبته إنه اللي تحتاجه بشكل أساسي هو رابط خلاصة RSS feed تحتوي على حلقاتك ومعلومات عنها، بدون خلاصة RSS أنت ما تعتبر بتقدم بودكاست على الإنترنت.

سجلت حلقة بودكاست بعد ما نشرت هذي المقالة بفترة، أتكلم فيها عن كيف تبدأ بودكاست فيها معلومات وتفاصيل أكثر لو مهتم.

فين البودكاست ينحط؟ (مقدم الخدمة)

طيب الآن نجي لموضوع مقدم الخدمة أو مستضيف البودكاست (Podcast Hosting)، فين حتحط البودكاست حقك والمقاطع الصوتية؟ ممكن حتختار SoundCloud أو ممكن حتروح لواحد من الخدمات الشهيرة والمختصة زي:

• Libsyn
• Blubrry
• PodBean
• buzzsprout
  وغيرهم كثير يحيروك أكثر.

في ناس كمان يحطوا البودكاست حقهم على سيرفر شخصي، وهو خيار ما اخترته ولا أنصح فيه، لما تسوي بودكاست حتحتاج لسيرفر ومقدم خدمة مختص في البودكاست عشان تضمن، إنه حلقاتك تكون متوفرة أغلب الوقت بدون مشاكل لإنك هنا بتتعامل مع ملفات صوتية تستهلك مصادر من السيرفر في كل عملية تحميل، وتبغى السيرفر يكون معد ومختص في معالجة الملفات الصوتية.

الي حتستفيده من مستضيف البودكاست المختص، إنه راح يوفروا لك مميزات إضافية ومختصة بالبودكاست، زي إحصائيات الحلقات، عدد الإستماعات، المناطق الجغرافية، معدل الإستماعات وغيره من المعلومات اللي راح تكون مفيدة لك لو بتأخذ هذا المجال بشكل إحترافي.

طيب مين أختار؟

حرفياً هذا أكثر شيء كان محيرني، مقدمي الخدمات كثار والخدمات اللي يقدموها والباقات مختلفة وكل أحد يقول لك كلام يحيرك أكثر وأكثر، خليني أفصل لك أكثر كيف أنتهيت من صداع كم يوم وأنا محتار لكيف عرفت أيش أبغى.

خلينا أول شيء نقسمهم الى قسمين 1- مقدم الخدمة المختص بإستضافة البودكاست 2- منصة SoundCloud.

1- مقدمي الخدمات المختصة

في هذي الفئة أنا بتكلم عن Blubrry, Libsyn وغيرهم..

ميزتهم: إختصاصهم في تقديم خدمة إستضافة البودكاست، وتوفيرهم لكثير من المزايا المختصة في البودكاست.

بالتالي أنت بتضمن أعلى جودة وأفضل خدمة إحصائيات، وتضمن توفير خلاصة RSS خاصة فيك، تستخدمها ﻷضافة البودكاست حقك على iTunes, Stitcher وغيرها من المنصات.

وطبعاً راح تلاقي فوارق بين كل مقدم خدمة، الباقات تختلف حسب المساحة الشهرية المسموح لك فيها برفع حلقات، المميزات الإضافية وغيره… ولازم بنفسك تراجع كل واحد عشان تلاقي الأنسب لك.

2- منصة SoundCloud

ميزتها: أكبر ميزة لساوند كلاود تشجعك على الإشتراك معهم، هي توفر حلقاتك على منصة تساعد البودكاست في الوصول الى شريحة مستمعين أكبر.

طيب خلينا نتفق إنه ساوند كلاود غير مختص بالبودكاست أبداً، والسنة الأخير بدأ أخيراً يوفر خصائص وخيارات لصناع البودكاست.

مثال: ميزة جدولة الحلقات، لنشرها في وقت معين، هذي الخدمة كانت قبل متوفرة عند مقدمي الخدمات المختصة فقط، الى ما أضافها أخيراً ساوند كلاود، برضوا ساوند كلاود يدعم الآن ميزة توفير رابط خلاصة RSS خاصة بالحلقات اللي تنشرها وتقدر تستخدمها لإضافة البودكاست على iTunes.

أيش أخترت؟

طيب خلينا نبدأ بـ بودكاست Saudi Veggie أول بودكاست بدأته وكنت أحتاج مكان أرفع فيه الحلقات ويوفر لي خلاصة RSS، الخيارات كانت كثيرة زي ما قلت وكنت متلخبط مره، كان عاجبني المميزات اللي توفرها إستضافات البودكاست المختصة، وفي نفس الوقت كنت شايف منصة ساوند كلاود مهمة لتواجد البودكاست فيها كمنصة تساعدك في النشر والوصول. 

المميزات لو اخترت SoundCloud:

• راح أقدر ارفع عدد لانهائي من الملفات والدقائق بدون حدود.
• تواجد ووصول أفضل، بانه البودكاست يكون متوفر على منصة ساوند كلاود.
• راح أوفر دفع باقتين مختلفتين عشان البودكاست يكون متوفر على سيرفر وبعدين على ساوند كلاود.

العيوب:

1. إحصائيات مختصة أقل للبودكاست.
2. رابط خلاصة RSS باسم ساوند كلاود مو موقعي الخاص، أنا ما أشوفها مره مهمة غير لو أنك مختص وتحب تسوي كل شي بشكل مرتب. عيبها الوحيد إني لو أضفت خلاصة ساوند كلاود مثلا على iTunes وفي يوم قررت أغير الخدمة راح أقدم طلب لايتونز بتغيير رابط الخلاصة، بينما لو كان الرابط: “http://saudiveggie.com/podcast/feed” حيكون التحكم بالكامل عندي على نفس الدومين.
3. تطبيق ساوند كلاود مو أفضل تجربة للإستماع للبودكاست، ولكن يفضل هذا خيار شخصي يقرره المستمع بنفسه.

طيب خليني أقولكم إنه ساوند كلاود بدأ يصير الخيار الأنسب لي، رغم إنه مختصين كثير على الإنترنت ما ينصحوا فيه للبودكاست، أنا كل اللي كان موقفني أول عيبين، بس لقيت لهم حلول!

الحلول:

1. عشان أحل مشكلة الإحصائيات، ربطت خلاصة ساوند كلاود بخدمة Podtrac المجانية، اللي تقدم لك إحصائيات مفصلة أكثر للبودكاست حقك، بكذا صار عندي إحصائيات ساوند كلاود، وكمان مدعمة بخدمة زيادة اللي هي Podtrac.
2. بالنسبة لمشكلة رابط الخلاصة، هنا لقيت الحل عن طريق إني أستخدم إضافة Bluburry للبودكاست على ووردبريس PowerPress، الإضافة تساعدك إنه تنتج خلاصة RSS خاصة فيك وبرابط موقعك، فصرت بالتالي أرفع الحلقة على SoundCloud وبعدين أربط رابط الملف mp3 في الموقع باستخدام إضافة PowerPress وبكذا التحكم في خلاصة RSS يصير بالكامل في يدي، يسسس!

تجربتي مع SoundCloud:

من تجربتي مع ساوند كلاود بالطريقة اللي سويتها، مرتاح جداً، فأنا برفع الحلقات على سيرفرهم وبتتوفر على منصتهم، وفي نفس الوقت بستضيفها على خلاصة برابط موقعي، فالتحكم بالكامل عندي أقدر اغير وصف الحلقة أستخدم HTML tags في الوصف، واستفيد من المزايا اللي مهي متوفرة في خلاصة ساوند كلاود.

الزبدة:  لو يهمك البودكاست حقك يكون متواجد على ساوند كلاود كمنصة وفي نفس الوقت ما تبغى تدفع مصاريف إضافية لكذا مقدم خدمة مختلف، فهذا أنسب خيار لك. أحياناً ممكن ما يفرق معاك ترفع البودكاست على ساوند كلاود، وهنا حجي للبودكاست الثاني اللي بدأته وليش هذي المرة ما راح أستخدم ساوند كلاود أبداً.

تجربتي مع Pinecast

وأنا أدور في بدايتي على مقدم خدمة مثالي أشترك معاه، أكتشفت Pinecast وهي منصة جديدة لتوفير خدمات إستضافة البودكاست، والباقات المتوفرة عندهم مثيرة للإهتمام وتوفر كثير من الإحتياجات اللي أبغاها، أكثر شيء عجبني إنه باقتهم الأساسية اللي ب 5$ رهيبة مرة، وتخليك تستضيف أكثر من بودكاست في نفس الباقة.

تفاصيل الباقة (STARTER):

• السعر: 5 دولار لشهر.
• المساحة المتاحة في الشهر: غير محدود.
• الاستخدام العادل: في حد معين 64mb كحد أقصى لمساحة الحلقة الواحدة في كل عملية رفع.
• الإحصائيات: إحصائيات بسيطة عن عدد الإستماعات، الإشتراكات، ومصادر الإستماع.
• عدد البرامج: غير محدود.

فضلت أشترك في Pinecast لما جيت أسوي بودكاست شطحة، وهوا بودكاست شخصي وليا، ومو مهتم أبداً إنه يكون موجود على ساوند كلاود كمنصة، وفي نفس الوقت إحتمال أكون مهتم أبدأ برامج بودكاست ثانية، فميزة الإشتراك في Pinecast إنه في اي وقت لو قررت ابدأ بودكاست ثاني، أقدر بدون ما أحجز باقة ثانية وأدفع مصاريف مالها داعي كل شوية إني أبدأ البودكاست وراح يكون في رابط خلاصة RSS منفصل لكل بودكاست، أظن ما في أي مقدم خدمة بودكاست ثاني يوفر هذي الميزة.

هل في عيوب؟

• خلاصة الـ RSS رابطها حيكون على الدومين حقهم لو هذا يفرق معاك، ويوفروا خيار redirect لو قررت تنقل لمشترك ثاني.
• مساحة الحلقة الوحدة لازم ما تتجاوز 64mb، بس بالنسبة لي مو مشكلة لانه متوقع الحلقات ما تتجاوز هذي المساحة، ولو تجاوزت في النادر فكل شهر حيكون عندي 64mb إضافية لمساحة الحلقة في حال تجاوزتها. فلو مثلا: سجلت حلقة وكان حجمها 90mb حقدر أرفعها ويبقى عندي لسه 26mb إضافية في الشهر.

الزبدة: بالنسبة لي المميزات تغطي كثير على العيوب والحدود البسيطة، خدمتهم جديدة والي شغالين عليها podcasters في الأساس، ومتحمسين يطورا ويحسنوا عليها كثير، عندهم كمان باقة ثانية مثيرة للإهتمام مناسبة لشبكات البودكاست اللي عندها برامج كثيرة، وبينزلوا حلقات بشكل مستمر ويحتاجوا خيارات أكثر وإحصائيات متقدمة.

لو مهتم تشترك معهم هذا كود خصم وفرته، تقدر تستخدمه وقت التسجيل وحيعطيك خصم 40% لأول أربعة أشهر لك.

كود خصم:  r-e95e7f

خلاصة كل دا الكلام، إنه الموضوع يفرق حسب إحتياجك الشخصي، لو كنت مهتم تبدأ برامج بودكاست مختلفة أو لسه تبغى تجرب كذا شيء، أنصحك جداً بـ Pinecast راح يريحك كثير ويخليك تأخذ راحتك في التجارب وإنتاج برامج مختلفة وكمان المشغل حقهم على Web لطيف وشكله مرتب، ولو تحتاج بودكاستك يكون موجود على SoundCloud وهذا يفرق مع مستمعينك والفئة اللي تبغى توصل لها فاشترك مع ساوند كلاود، بس أهم شي فعل خلاصة RSS لانه البودكاست بدون RSS ما يعتبر بودكاست.

لو بدأت بودكاستك الشخصي، لاتنسى تضيفه في دليل البودكاست العربي من صفحة أضف بودكاست.

روابط مفيدة

• موقع وبودكاست بث كاست – يعلمك كل شيء تحتاج تعرفه عشان تبدأ بودكاست.
• طريقة اضافة بودكاست الى ايتونز باستخدام ساوندكلاود (فيديو)

تحديث:

مؤخراً بشوف خدمة Anchor طالعة بشكل جيد وقوي، وباقتها مجانية بالكامل! أنصحكم تشيكوها كبديل مجاني وما عليها أي حدود.

كتبت في: فين تستضيف البودكاست حقك؟ - كشميري.