بشارك معاك الأماكن المفضلة اللي سكنت فيها حسب المناطق.

Hostels عجبتني

• WW Backpackers – Ubud هوستيل رخيص مره ومتواضع، بس في نفس الوقت نظيف ورايق جداً، مره مره حبيته.
• Arya Hostels – Ubud – آريا هوستيلز حكاية ثانية في عالم الهوستيلات! فتح وأنا هناك وحمدلله لحقت أجربه. سلسلة هوستيلات متنكرة بفندق خمسة نجوم. شيء رهيب حقيقي.
• Dip & Doze – Canggu هوستيل فنان ومرتب وجوه رايق مره.
• M Boutique Hostel – Kuta هوستيل نظيف، يمشي الحال لو تبغى تقضي يوم في كوتا جمب المطار.

كيف الهوستيلات؟

أشياء لاحظتها في هوستيلات بالي، ممكن تفيدك.

• ما في مطبخ حقيقي لطبخ في أغلب هوستيلات بالي. بس الأكل أصلاً سعره بطل! والخيارات الصحية موجودة في كل مكان.
• أغلب الهوستيلات توفر ستارة ورف لكل سرير مع لمبة وفيش كهرباء. شيء رهيب مرة.
• الإنترنت سريع في أغلب الهوستيلات في بالي.
• موجود خدمة غسيل ملابس في أغلب الهوستيلات وأسعارها ممتازة.
• النظافة ممتازة جداً من كل اللي جربتهم.

كتبت في: هوستيلات عجبتني في بالي - كشميري.

بشارك معاك هنا أماكني المفضلة، كل الأماكن اللي بشاركها موقعها في منطقة أوبود Ubud.

أماكن روحانية Spiritual centers

• Pyramids Of Chi – من الأماكن المميزة هندسياً فيه هرمين وكافيه، ويسوا جلسات علاج طاقي مختلفة هنا.
• The Yoga Barn – من أشهر الأماكن في Ubud لو تبغى تسوي يوغا أو تاخذ كورس في أشياء مختلفة. شيك جدولهم من موقعهم أو التطبيق كل يوم أشياء كثيرة مختلفة، عندهم كافيه كمان.
• Radiantly Alive Yoga – متخصص في اليوغا والكورسات وعندهم مطعم. (ما جربته)

Spas أماكن مساج وإسترخاء

• Ubud float garden – تعال هنا لو تبغى تجرب تطفو جوا كبسولة. كمان المكان مره مريح وحلو.
• Shambala Spa – عجبني عندهم شيء أظن اسمه Sound healing bath.
• Yeh Pulu Spa – مو مرتب كتير بس أسعارهم بطلة ومن أحسن اللي جربتهم.
• Starchild Ubud Spa – المحل حقهم أحلى من Spa ويستحق الزيارة.

أماكن للإستكشاف

• Campuhan Ridge Walk – ممشى حلو وطويل وسط الطبيعة.
• شلال Banyumala Twin Waterfalls – من أرهب الشلالات اللي شفتها في بالي.
• شلال Air Terjun Tibumana
• شلال Pengibul Waterfall – الشلال عادي بس وأنا في المدخل حقه ورايح له، ضعت في مكان رهيب وسط الطبيعة، درج كله زرع وتفضل تطلع فيه إلى ما توصل لمنطقة حقول أرز. حاول تستكشف المنطقة كويس لو تحب الطبيعة العشوائية.

استئجار سكوتر Scooter

• Aloha Ubud Scooter Rental – رهيبين وتعاملهم ممتاز وأسعارهم كمان، ويوفروا Phone holder لو طلبت.

كتبت في: محلات حبيتها في بالي - كشميري.

مطاعم نباتية فيجان في بالي

1. Sayuri Healing Food (Ubud) – مره مره أحبه لا تفوته خيارات مطبوخة ونية، وعندهم متجر رهيب كمان.
2. Alchemy (Ubud) – مطعم مرتب وخرافي نباتي حي بالكامل، حتنبسط هنا سواء كنت تأكل نباتي أو لا. فيه متجر كمان.
3. The Seeds of Life (Ubud) – مطعم نباتي حي بالكامل، أحبه وفيه خيارات حلوة.
4. Bali Pure Fresh Fruits (Ubud) – هذا المحل ما اكتشفته الا في نهاية رحلتي، تعال هنا لو تبغى تجرب فواكه من بالي، وأحلى شيء ممكن يقطعوها لك في صحن فواكه او Smoothie bowl وتختار إضافات عليه.
5. Kokolato for ice cream (Ubud) – محل آيس كريم صحي رهيب.
6. Living Food Lab (Canggu) – لو كنت في شانقو وتبغى أكل نباتي حي هذا أحسن خيار، عندهم مساحة عمل كمان workspace.
7. Matcha Cafe Bali (Canggu) – جربت smoothie Bowl من عندهم.

* الخيارات الثلاثة الأولى حتحصل عندهم أرهب أنواع حلى صحي ممكن تلاقيها! حقيقي.

كتبت في: المطاعم المفضلة في بالي - كشميري.

حلقة تكملة حكاوي أستراليا مع محباتشي. جو الحلقة دي مختلف تماماً عن الحلقة اللي قبلها، ويوريك تنوع المشاعر والتجارب اللي عشتها في الرحلة. في دي الحلقة حكاوي العيلة الثانية، وتجربتي مع Couchsurfing، وشوية هبالات.

شاركت كمان مقالة عن كيف سافرت حول أستراليا بالباص.زر حُب6

كتبت في: أستراليا: سيزون تو 🇦🇺👨‍👩‍👦‍👦 - كشميري.

Cross Saudi

الباص من السعودية للبحرين

سابتكو SAPTCO

سابتكو هيا “الشركة السعودية للنقل الجماعي” وتوفر عن طريق موقعها حجز التذاكر اون لاين لوجهات كثير داخل السعودية ولدول الخليج.

أسعار التذاكر للبحرين

تذكرة الذهاب وقت ما حجزت كانت 70 ريال. تذكرة العودة لدمام 40 ريال. شيك الأسعار الآن لأنه ممكن تكون أتغيرت.

المحطات

في محطتين تطلع من السعودية للبحرين، الأولى هي المحطة الرئيسية في الدمام والثانية نقطة توقف سريعة في الخبر.

• محطة باص الدمام
• محطة باص الخبر
• محطة سباتكو في المنامة، البحرين.

كيف كانت التجربة؟

لو بتكلم عن الباص وراحته فهو مريح وما يفرق عن تجربتي مع باصات أستراليا جودة عالية تقدمها سباتكو صراحة. المقاعد مريحة، وفي كراسي فاضية في الباص رغم إنه إجازة، فمو زحمة في الرحلتين كان.

العيب الوحيد من التجربة واللي كان متعب جداً هو المدة والإجراءات، البحرين قريبة، قريبة مره! بس زحمة الجسر في الإجازة، وإجرائات الجمارك الطويلة تخلي السفر بالباص للبحرين مو أفضل خيار.

إجراءات الجمارك في الباص تطول والشنط تنزل وتتفتش وتوقف في نقطتين جمركية، وكل اللي في الباص لازم ينزلوا عشان يكملوا الإجراءات واحد واحد. فلو حيفرق معاك الوقت والتأخير، والطلعة والنزول فالباص محا يكون خيار جيد لك. لو ما يفرق معاك كثير فتجربتي مع سباتكو ممتازة جداً، وأكيد ممكن أستعملهم في وجهات ثاني جوا السعودية لو أحتجت.

زر حُب30

كتبت في: السفر للبحرين بالباص 🇧🇭🚍 - كشميري.

Raw Candy الرهيبين ساعدونا نكتشف محلات زيادة وكتبوا لنا لستة طويلة ححط اللي نتذكره منها هنا (ما جربناها كلها).

محلات فيجان نباتية في البحرين:

بعضها نباتية بالكامل، وبعضها فيها خيارات نباتية.

• Raw Candy – حلى وكافيه… من أحسن ما جربنا الكوكيز أسطوريه!
• Mana café – عندهم Smoothie Bowls رهييبة، وكمان Raw Zucchini عجبت Evo.
• Plant Cafe – أنا تقريباً جيت عشان متحمس أجربه من زمان، الحلى رهيب. الكمية في أغلب الأطباق قليلة.
• Natures Market – سوبرماركت عضوي رهيب مره.
• Raaw Cafe – حوس أمنا دا المحل في المطر والشوارع غرقانه وما لقيناه! ان شاء الله تلاقوه
• Anais Vegan Café
• Folia – Four Seasons
• Eighty Thirty
• Nomad Urban Eatery
• Blaze Pizza
• LUMEE Street Cafe
• Poke Kafe
• Mame pod – Mochi & Edamame

روابط مفيدة

• instagram plantbasedbh@
• instagram veganbahrain@
• Five vegan restaurants to visit in Bahrain – The National

لو في شيء ناقص في القائمة أو في محلات نباتية جديدة فتحت. أكتب لنا هيا في التعليقات عشان نحدث الصفحة وكل أحد يستفيد.

زر حُب1

كتبت في: مطاعم فيجان في البحرين 🇧🇭 - كشميري.

أستراليا: الادمية الأولى

طيب ندخل في الموضوع أستراليا قارة كبيرة وواسعة، والمسافات فيها أكبر من ما تتخيل. لما تجي تسافر فيها وتتنقل أفضل وسيلة تنقل هيا الطيران. مع الأسف القطارات مو عملية في أستراليا، وأسعار الطيران أفضل وأسرع منها.

في حال كنت تبغى تسافر لمدينة أو مدينتين ممكن الطيران يكون وسيلة مناسبة لك، وأنصحك تشيك Tiger Air لطيران الإقتصادي جربتهم وكانوا كويسين.

في حالتي أنا كنت ناوي أسافر لفترة طويلة، لمدة شهر وأكثر! وأبغى أتنقل بين مدن مختلفة وأحتاج مرونة عالية في أني أقدر أغير خطتي في حال احتجت. مثلاً زرت مدينة عجبتني وأبغى أطول فيها أو في حال كنت أبغى أتركها بسرعة. عشان كده الطيران ما كان أفضل خيار ليا من ناحية المرونة وكمان من ناحية ميزانية سفرتي لأني أبغى أروح وجهات كثيرة.

بحثت عن الباصات وأكتشفت إنه في شبكتين للباصات في أستراليا. أكبر وحدة وهي Greyhound Australia، بحثت وتأكدت إنه هيا الخيار المنشود.
أحلى شيء في greyhound إنه عندهم packages مختلفة تساعد كثير وتخليها مغرية.

أيش أخترت؟

في رحلتي كنت بسافر في الساحل الشرقي لأستراليا East Coast. من البكجات المنوعة واللي تقدر تشوفها في موقعهم أخترت “30 يوم Whimit travel pass”

الباكج هذا “Whimit” ميزته إنه مفتوح، تسافر في أي وجهة داخل شبكة Greyhound. أخترت باكج 30 يوم، وفي واحد ثاني لـ 60 يوم, وغيره…

الراحة اللي أعطاني هيا كانت مره عالية! تدفع مره وحدة سعر ثابت، وعن طريق الموقع تدخل وتحجز أي عدد من الرحلات لأي مكان جوا أستراليا في خلال الـ 30 يوم. والحلو في حال قررت مثلاً ما تبغى تاخذ رحلة لمكان معين فبكل بساطة تدخل الموقع وتلغي التذكرة وتحجز وحدة غيرها في موعد مختلف.

كيف الراحة؟

طيب الموضوع المهم واللي كثير يبغوا يعرفوه. هل كانت مريحة التجربة؟

قبل لا أقرر أني أختار أسافر بالباص أنا كنت متحمس للفكرة، ومتخيل أغلب الصعوبات. ما كنت حاط توقعات كثيرة. أنا سهل في السفر وما عندي طلبات كثيرة وأبغى أسافر على راحتي وبميزانية تناسبني. وكنت متحمس لفكرة أني أسافر بالباص.

اللي صار أنه الباص كان قد التوقعات وأكثر شوية. مريح وممتاز وما تضايقت أبداً بالتجربة.

أخذت تقريباً 6 رحلات مختلفة بالباص، بدأت من الجنوب في الساحل الشرقي لأستراليا، جمب Sydney وأنهيتها في Cairns في الشمال. لما بدأت الرحلة كان أواخر الشتاء، وأنهيتها في بداية الربيع. أستراليا الجنوب أبرد من الشمال، وكل ما تطلع الشمال تزيد درجة الحرارة. فمساري كان ممتاز مع الجو والتوقيت.

أخذت كذا رحلة مدتها 5-8 ساعات وما حسيتها ثقيلة أبداً. كنت جاهز ذهنياً لطول السفرة، ودائماً معايا كتاب، بودكاست، ميوزك، يوتيوب، مسلسلات ،أفلام، وشباك! عشان ما أطفش في الرحلة وأنبسط بالوقت.

مميزاتهم من تجربتي:

• الـ Packages مختلفة وممتازة للرحالة Backpackers.
• شبكات رحلات وخطوط كثيرة جوا أستراليا، ولمناطق ما فيها مطارات.
• باصات ممتازة: مدخل USB – حمام موجود – جديدة ونظيفة.
• الباصات غالباً مو زحمة، وفي كل رحلاتي اللي أكثر من ساعة كان عندي مقعد فاضي جمبي. Seat x2 unlocked
• تقدر تختار مقعدك لما تحجز التذكرة من الموقع.
• تقدر تتبع باصك اللي جي على الخريطة، عشان تعرف كم باقي له ويوصل. (من الموقع)
• أسعار كويسة ومعقولة.

نصائح سريعة:

• أحجز تذاكرك قبل بيومين على الأقل، عشان تضمن تذكرة وتختار مقعدك.
• شيك الـ packages المختلفة وأختار اللي يناسب رحلتك أكثر.
• بعض الشركات السياحة عندها خصومات على البكجات وسعرها أرخص من الموقع، حاول تبحث عنهم وتسألهم لو عندهم أي عروض، قروبات backpackers حقت أستراليا في الفيسبوك ممكن تساعدك. مع الأسف ما عرفت عن هذا الشيء الا بعد ما حجزت من الموقع.
• شيك على خريطة نقل Greyhound وتأكد إنه في رحالات للمناطق اللي تبغى تزورها وأنه أوقاتها تناسبك. (خريطة Greyhound)
• كون في المحطة بدري، قبل وصول الباص بفترة. تفادياً لتوتر والإحراج . تقدر تشيك موقع الباص اللي جيك زي ما قلت، عشان تعرف لو كان حيتأخر، غالباً يتأخر 15-30 دقيقة عن موعده.

زر حُب6

كتبت في: السفر حول أستراليا بالباص - كشميري.

ايييه حلقة أستراليا، في الحلقة دي حكاوي وفويس نوتات من قلب الرحلة وتجربتي لـ Workaway في أستراليا. أكثر حلقة أتحمست لها وبعدين اتلخبطت مشاعري تجاهها، وفي النهاية أتحمست لها ثاني والآن ها هي ذا.

شاركت كمان مقالة عن كيف سافرت حول أستراليا بالباص.زر حُب8

كتبت في: أستراليا: الادمية الأولى 🇦🇺🐬 - كشميري.

هذي المرة بسجل مذكرات رحلتي في وقتها، وبشاركها في البودكاست، أتكلم عن تجربتي في السفر لبالي (backpacking) بشنطة على ظهري وبأقل التكاليف، كيف كانت تجربة السكن في الهوستيلز، استكشاف بالي، الأكل الرو فيجان وغيره…

كتبت في: بالي والتجربة الهوستلية 🏝 - كشميري.

أنا ومحباتشي في هذي الحلقة، نحكي تجربتنا في طلعتنا لميسان، الإستكشاف اللي صار في الرحلة، قلعة الأقزام، تلال المعركة، وليش الاستكشاف بدون Tour guides أرهب بكثير.

الصور اللي أتكلمنا عنها:

• دوار الساعة
• المشكاة
• درج الحصن
• علبة كويكر
• أبواب الأقزام
• المنارة
• المحراب
• الخشبة الفايكينج
• حساب محمد لصور ميسان

زر حُب6

كتبت في: ميسان وقلعة الأقزام 🏰 - كشميري.