تجارب، حكاوي، وشوية شطحات.

وصفة شوكولاتة نباتية 🍫

كتب في الورشة

صار لي فترة أكل أكل نباتي وصحي، بعيد عن السكر، والحليب وأي خربطة. في البدايات كنت بدور على طريقة كيف تسوي شوكلاته، مدري ليش كنت متخيل الموضوع صعب، طلع أبسط بكثير من ما كنت أتوقع. بقولك الوصفة اللي اعتمد عليها من كم سنة.


وصفة شوكولاتة صحية 🍫🌱

أيش نحتاج؟
  • زيت جوز الهند Coconut oil أو زبدة شيا Shea butter.
  • بودرة كاكاو Cacao Powder.
  • محلي صحي، سائل أو بودرة.
  • فانيلا Vanilla Extract (اختياري).
  • ملح بحري (اختياري).
  • قالب نفرزن فيه الشوكلاته.
الطريقة:
  1. أضيف الكمية اللي أبغاها من زيت جوز الهند مثلاً 1/2 نص كاسه، ويكون سائل.
  2. أضيف نفس الكمية بودرة كاكاو، أحياناً أزود أو اقلل حسب ثقل الشوكولاته اللي أبغاه والطعم.
  3. أضيف المحلي سواء كان سائل أو بودرة، في البداية كنت استخدم Maple syrup وأحط تقريبا 1/4 الكاسه وأخلطه كويس عشان ينمزج. حالياً قاعد أجرب بودرة الستيفيا البيضاء وبيزبط معايا.
  4. أضيف الفانيلا، ورشة ملح خفيفة، ممكن يكون غريب لناس بس الملح يسوي طعم ويعطي الشوكولاته حلاوة.
  5. كذا صوص الشوكولاته صار جاهز بس نضيفه لقالب ونحطه في الفريزر ما راح ياخذ غير دقايق وحيكون جاهز.

(خطوة إضافية): أحياناً أجرب أحط بودرة جوز هند أو قطع مكسرات تكون مطحونة على خفيف. أضيفها للقالب في النهاية تطلع رهيبة مره وتعطيها قرمشة إضافية 👌


أشياء ممكن تفيدك

 

في بالك كلام؟

حرسلك الأشياء الجديدة قبل أي أحد