بجمع في هذي الصفحة دليل للمحلات والمتاجر اللي توفر خيارات غذائية نباتية، عضوية، وصحية في مدينة جدة. وبحدثها بشكل مستمر كل ما أعرف عن محل جديد.
محلات عضوية في جدة
- أبازير Abazeer – أكثر محل أحب أخذ منه، عندهم كل شيء تقريباً وأهم شيء عندهم ورقيات في الغالب زي سبانخ، كال، وجرجير، مزارعهم في المدينة ويجيهم المحصول بشكل مستمر. عندهم فروع في أغلب المدن الرئيسية.
- لو اورجانيك L’Organic – محلي الجديد المفضل مدري لو ينفع أقول عنه جديد كمل أكثر من سنتين دحين، بس ما زلت مره أحب أروحه مرتب وفيه منتجات مستوردة رهيبة كثير، زمان كان عندهم أيسكريم Raw Vegan يارب يرجعوه.
- أرض الخير Ard Alkhair – خضار وفواكه ومنتجات عضوية وصحية. ومتوفر عندهم سناكات وحلى كيتو.
- إمتنان – ممتازين في البهارات العضوية تحديداً
- الوطنية Watania
- الطبيعة الأم Mother Nature
- أرض الخير – منتجات صحية وعضوية من الخضروات الفواكه وغيرها.
- منتج الطبيعة Nature Product
- واحة الطبيعة – محل صغير وعضوي بأسعار مناسبة.
- سوبرماركت الدانوب – قسم الصحة في الغالب تلاقيني أشيك أيش في أشياء جديدة، أتمنى يطوروا أكثر الدانوب يقدروا يكونوا أحسن بكثير، لكن هما السوبر ماركت المنشود دائماً في دي الأشياء.
كمان سوبر ماركت هلا عندهم منتجات عضويه اكثر من الدانوب
ياليت الي يعرف محل يبيع بيض مرعى حر بجدة يرسلي