تجارب، حكاوي، وشوية شطحات.

من فين أشتري أكلي العضوي

كتب في الورشة

من بداية رحلتي في عالم الصحة، ولما عرفت الأكل العضوي، وأيش يعني تاكل شيء عضوي نظيف وخالي من المبيدات الضارة، وكمان تربته تكون غنية وترفع من قيمة الأكل اللي يجي منها. وأنا صرت متحمس أشتري أكل عضوي أكثر.

وقتها كنت ساكن في جدة وبدأت أشوف المحلات اللي عندنا في جدة.

هنا برتب لستة بالمحلات العضوية في جدة، الطايف، والمواقع العضوية اللي في السعودية أو تشحن للسعودية.


محلات عضوية في جدة

  1. أبازير Abazeer – أكثر محل أحب أخذ منه، عندهم كل شيء تقريباً وأهم شيء عندهم ورقيات في الغالب زي سبانخ، كال، وجرجير، مزارعهم في المدينة ويجيهم المحصول بشكل مستمر. عندهم فروع في أغلب المدن الرئيسية.
  2. لو اورجانيك L’Organic – محلي الجديد المفضل مدري لو ينفع أقول عنه جديد كمل أكثر من سنتين دحين، بس ما زلت مره أحب أروحه مرتب وفيه منتجات مستوردة رهيبة كثير، زمان كان عندهم أيسكريم Raw Vegan يارب يرجعوه.
  3. سوبرماركت الدانوب – قسم الصحة في الغالب تلاقيني أشيك أيش في أشياء جديدة، أتمنى يطوروا أكثر الدانوب يقدروا يكونوا أحسن بكثير، لكن هما السوبر ماركت المنشود دائماً في دي الأشياء،
  4. إمتنان – ممتازين في البهارات العضوية تحديداً
  5. الوطنية Watania
  6. الطبيعة الأم Mother Nature
  7. منتج الطبيعة Nature Product

محلات عضوية في الطائف

  • الغذاء العضوي – المتجر العضوي الوحيد المتخصص في الطائف، لسه مازرته.
  • سوبرماركت العنود – قسم الدايت عندهم شوية خيارات ممتازة من أبازير وأرض الطبيعة، الخل العضوي من هنا أخذه. كمان جمب المخبز في قسم البقوليات والحبوب يكون في منتجات لأبازير زي العدس.
  • الدانوب أو بن داود – خيارات أقل بكثير من بقية المدن، بس أحسن من ولا شيء
  • عطارة ميجان (سوق البلد) – أحياناً ألاقي عندهم أشياء من أبازير أو زيت كوكونت عضوي.

متاجر أونلاين عضوية

  • iHerb آي هيرب – من أول الأماكن اللي بدأت أشتري منها، حقيقي هما الأفضل بلا منازع بالذات لما يكون سعر الشحن عندهم ممتاز. كل شيء أحب أخذه من هنا كل فترة.
  • سوكا Soca – يعجبوني متجر سعودي مرتب، وعندهم منتجات ما تحصلها في أماكن ثانية.
  • أرض الخير – عندهم خضار وورقيات بزراعة مائية.
  • لو اورجانيك L’Organic – نفس المتجر اللي اتكلمت عنه فوق عندهم متجر اونلاين.
  • فيتال 99 – شكله يحمس، وتركيزهم على المكملات والأعشاب.
  • متجر Sun Pharmacy – عناية طبيعية، أغذية وسوبرفوود، ومنتجات تنظيف. كلها عضوية وصحية.
  • متجر قاف
  • Green Spot
  • Greenish

أيش في شيء ناقص في القائمة؟ أكتبها عشان أضيفها وتكون الصفحة دائماً محدثة.


في بالك كلام؟

حرسلك الأشياء الجديدة قبل أي أحد