أول تجربة ليا مع الستيفيا كانت الستيفيا الخضراء، وصراحة كانت سيئة، ما قدرت استحمل طعمها القوي زي ناس كثير. الموضوع إنه في نوع ستيفيا ثاني لونه أبيض. جبته وأول تجربه له برضوا ما كانت مره كويسة الطعم كان قوي. بس أظن لاني ما كنت متعود على الكمية وحطيت كثير.

بعد كم تجربة الآن طعمه مره حلو. سكر، سكر!!. ومره عاجبني انه بودرة مو سائل. حقيقي مبسوط.

الموضوع احتمال يحتاج تعود لك، وطبعاً تدريجي لو أنت تاكل اربعة ملاعق سكر مكرر الآن، أكيد حتحتاج تخفف تدريجي حتى حاسة تذوقك ترجع طبيعية. الرهيب في الستيفيا، إنه صفر Glycemic index. يعني ما يرفع سكر الجسم ولا نقطة!

وصفات جربتها بالستيفيا

جميع الوصفات تعتبر كيتو ونباتية

• وصفة شوكلاتة صحية
• كرات اللوز
• حليب اللوز
• عصير ليمون – مؤخراً جربت اسويه ومره عجبني! 1- موية 2- ليمون معصور 3- وشوية نعناع 4- ستيفيا.. وأحلى Lemonade

أنواع الستيفيا البيضاء

هذي أحسن الأنواع أو الشركات، من بحثي وتجربتي للستيفيا واللي تجي في شكل بودرة بيضاء.
تقدر تطلبها من اي هيرب، أستخدم كود الخصم: MOH4259

• Now Foods, Better Stevia – النوع اللي جربته وأنصح فيه بشدة، خام.
• Wisdom Natural, SweetLeaf – نوع ثاني سمعت عنه شكله كويس كمان من آراء الناس.

تنبيه

في أنواع لازم تتجنبها وتنتبه منها، كثير من أنواع الستيفيا اللي في السوق فيها إضافات غير صحية، فانتبه تأخذ من هذي الأنواع، وحاول تأخذ نوع ستيفيا خام قدر الإمكان.

هذي المواد أكس أحمر

1. Sparatum
2. Maltitol
3. Sucrose

لاخوف من Silicon Dioxide.

مرجع: Kilani Summary Document

كتبت في: أحسن نوع ستيفيا وكيتو - كشميري.

أتمنى في يوم أشوف يطلع نوع حليب نباتي من شركة محلية وصحي وبسعر معقول. الى وقتها خلينا نسويه بنفسنا

طريقة حليب اللوز النباتي

1. (كوب) لوز منقوع 12 ساعة على الأقل.
2. (3 كاسات) ماء أو أكثر. انت قرر.
3. محلي صحي سائل أو بودرة.
4. (½ ملعقة شاي) فانيلا سائلة. (اختياري)
5. (½ ملعقة شاي) ملح بحري. (اختياري)
6. نخلط كل شيء في الخلاط لدقيقة أو أكثر، الى ما نتأكد إنه كل اللوز أنخلط كويس.
7. نصفي في كيس قماش. وحيصير عندنا الحليب مفصول عن اللب.

مبروك عليك الحليب النباتي

تقدرتستخدم نفس الوصفة مع الكاجو أو أي نوع ثاني من البذور والمكسرات. بس وقت النقع نغيره على حسب. الكاجو مثلاً ما يحتاج اكثر من ساعة.

سويت وصفة لكرات اللوز أستغل فيها اللب الباقي من اللوز، شوفها لو مهتم.

أشياء أستخدمها

• كيس الحليب النباتي – متجر Sun Pharmacy
• نوع الفانيلا اللي استخدمه: Simply Organic, Madagascar Vanilla
• نوع الستيفيا البيضاء اللي أفضله

كتبت في: طريقة حليب اللوز 🥛 - كشميري.

حليب لوز

الوصفة

الوصفة مرة سهلة وسريعة وتقدر تعدل فيها حسب اللي عندك واللي تفضله، كل يوم ألعب فيها شويتين.

1. صحن (وعاء) نضيف فيه بقايا لب اللوز.
2. جوز هند مبشور، نفس الكمية من لب اللوز تقريباً.
3. (ملعقة طعام) أو أكثر بودرة قرفة (cinnamon).
4. (ملعقة شاي) أو أكثر هيل مطحون.
5. (نصف ملعقة) بودرة كاكاو.
6. نضيف محلي، أنا أستخدم بودرة ستيفيا ممكن تستخدم أي محلي صحي يناسبك سواء بودرة أو سائل.
7. بعدها نخلط كل شيء كويس.
8. الخطوة الأخيرة تكوير الكرات بيدك.

عشان تستمتع بيها، خلي جمبك حليب اللوز وأنت بتأكلها وعيش الحياة الملكية

أشياء أستخدمها

• كيس الحليب النباتي – متجر Sun Pharmacy
• نوع الستيفيا البيضاء اللي أفضله

زر حُب11

كتبت في: وصفتي لكرات اللوز - كشميري.

وصفة شوكولاتة صحية

أيش نحتاج؟

• زبدة الكاكاو Cacao butter / أو زيت جوز الهند Coconut oil / أو زبدة شيا Shea butter.
• أحب زبدة الكاكاو أكثر شيء في الطعم.
• بودرة كاكاو Cacao Powder.
• محلي صحي، سائل أو بودرة. (أستخدم بودرة ستيفيا بيضاء ورهيبة كيتو تعتبر)
• فانيلا Vanilla Extract (اختياري).
• ملح بحري (اختياري).
• قالب نفرزن فيه الشوكلاته.

الطريقة:

1. أضيف الكمية اللي أبغاها من زيت زبدة الكاكاو مثلاً 1/2 نص كاسه، ويكون سائل.
2. لو كان متجمد الزيت، زي في الشتاء اذوبه في حوض وعائي تحته وعاء موية حارة.
3. أضيف نفس الكمية بودرة كاكاو، أحياناً أزود أو اقلل حسب ثقل الشوكولاته اللي أبغاه والطعم / لو تبغى تكون الشوكلاته بيضاء أستخدم بودرة حليب جوز الهند بدل بودرة الكاكاو.
4. أضيف المحلي سواء كان سائل أو بودرة، في البداية كنت استخدم Maple syrup وأحط تقريبا 1/4 الكاسه وأخلطه كويس عشان ينمزج. حالياً قاعد أجرب بودرة الستيفيا البيضاء وبيزبط معايا.
5. أضيف الفانيلا، ورشة ملح خفيفة، ممكن يكون غريب لناس بس الملح يسوي طعم ويعطي الشوكولاته حلاوة.
6. أخلط
7. كذا صوص الشوكولاته صار جاهز بس نضيفه لقالب ونحطه في الفريزر ما راح ياخذ غير دقايق وحيكون جاهز.

(خطوة إضافية): أحياناً أجرب أحط بودرة جوز هند أو قطع مكسرات تكون مطحونة ومكسرة لقطع صغيرة. وأضيفها للقالب فوق الشوكلاته قبل ما تتجمد، في النهاية تطلع رهيبة مره وتعطيها قرمشة إضافية

منتجات من اي هيرب

أستخدم كود الخصم: MOH4259

• بودرة الكاكاو الـ Raw اللي استعملها:

قالب الشوكولاته الرهيب اللي استخدمه – Amazon

أشياء ممكن تفيدك

• طريقة عمل الشوكولاته الصحية مع نسرين التميمي

كتبت في: وصفة شوكولاتة نباتية كيتو 🍫 - كشميري.