كيف صلحت بلاستيك مكسور

Kash — Tue, 12 May 2020 10:05:17 +0000

هذاك اليوم وأنا بغسل علبة الخلاط حقي، بالغلط طيحته من غسالة الصحون، وبعد يوم أكتشفت إنه صار فيه كسور من تحت العلبة وأول ما أحط موية جوته يبدأ يسرب وينقط
جاني إحباط كبير، خلاطي قد كتبت عنه خلاط Vitamix الخلاط هذا مهم بالنسبة لي واعتمد عليه بشكل كامل في أني أسوي وجباتي ووصفاتي للاكل الحي. كلمت الوكيل الوحيد له في السعودية وقلي أنه سعر العلبة الجديدة 600 ريال! وكمان مو متوفر عندهم حالياً.
لو كنت في أمريكا الشركة الرسمية خدمة ما بعد البيع عندهم رهيبة وحيعطوني بديل علبة مجاناً! حتى لو أنا السبب في الكسر. الله يجيب الشركات الرسمية بسرعة بدل الوكلاء.

أيش أسوي؟

المهم بدأت أفكر في حلول أيش أسوي، أمازون حالياً مقفل التوصيل لأغلب المنتجات بسبب Covid-19 ولا كان طلبت علبة بديلة بسعر كويس من أمازون.

جربت استخدم لصق بس ما فاد واستمر التسريب.

الحل

سوبر قلو ياحبيبي! بحثت أون لاين ولقيت ناس كثير يصلحوا البلاستيك بخليط من Super Glue مع Baking soda.

أيش نحتاج؟

Super Glue – سوبر قلو
Baking soda – بيكربونات صوديوم
Sandpaper – ورقة صنفرة (اختياري)

الطريقة

أضيف super glue على المكان المكسور، أو الفراغ اللي أبغى اصلحه.
مباشرة أرش فوقه baking soda، وأنفض الباقي منها.
أعيد الخطوات رقم (1 و 2) عشان أسوي طبقة ثانية.
أنفض كل الباودر الزايد، وأتركه ينشف شوية.
الخطوة الأخيرة: تنعيم الطبقة اللي سويناها بورق الصنفرة حسب رغبتك.

النتيجة

سويت أختبار بعدها وحطيت موية في علبة الخلاط، وزبط!! ما نقط ولا نقطة!
الطريقة طبقتها من خارج الخلاط عشان ما يكون في أي غراء جوا الخلاط نفسه.

خليته ينقع تقريباً يوم كامل في موية، جربته حتى لما أخلط أشياء درجة حرارتها عالية أو باردة، كله مشي تمام حمدلله

التجربة ناجحة بكل المقاييس وخلتني أقدر أرجع أستخدم خلاطي في شيء سحري لما تخلط super glue مع baking soda يسوي طبقة قوية ومتماسكة.

فيديو على YouTube لطريقة

نصيحة شخص ندمان: ألبس قفازات عشان تحمي يدك من السوبر قلو.

كتبت في: كيف صلحت بلاستيك مكسور - كشميري.

تنظيف الاكل الغير العضوي

Kash — Mon, 04 May 2020 05:33:36 +0000

عندنا حالياً ما في خيارات عضوية كثيرة وفي متناول اليد، فعشان كذا لو كنت بتشتري خضروات وفواكه أنت عارف انها غير عضوية، لا تشيل هم كثير وأعرف أنه في حلول!

تنظيف الاكل الغير عضوي مهم، ويختلف حسب نوع الاكل ومن فين اشتريته. أهمية التنظيف هي في إزالة أثار المبيدات أو wax (الشمع) اللي يكون على الاكل، وأحياناً الفطريات في حالة الفول السوداني.

طرق التنظيف

1 – Hydrogen Peroxide – ماء الأوكسجين

الهايدروجن بروكسايد من أقوى الاشياء اللي ممكن تستخدمها لتنظيف. كل اللي تحتاجه، تنقع الخضار أو الفاكهة بقشرها في موية مع شوية قطرات من الهايدروجين بروكسايد 4-15 قطرة. وتتركه من 3-5 دقائق بس، عشان ما تبدأ تنقص من القيمة الغذائية وتأكسد الطعام نفسه. (مفعوله قوي!)

فين الاقيه؟ ممكن تشتريه من المتاجر أون لاين أو محلات المواد الكيميائية/الطبية.

شخصياً من تجربتي في تنظيف التفاح كانت مبهرة وأنا أشوف أثار الشمع بيطلع من التفاح! وكمان في تنظيف الفول السوداني.

2 – خل التفاح – Apple Cider Vinegar

تقدر تستخدم خل التفاح العضوي لتنظيف. مفعوله أقل من الهيدروجين بس أكيد يفيد كمان. أنقع الخضار أو الفاكهة في موية مضاف لها خل تفاح. وخليه يقعد 10-20 دقيقة.

3 – Baking Soda – بيكربونات الصوديوم

هذي الطريقة الأخيرة، سمعت عنها بس ما جربتها. تنقع الخضار في موية مع (ملعقة شاي) من الـ Baking soda وتتركها لـ 3 دقائق.

تنظيف الفول السوداني

الفول السوداني مره مهم إنه يتنظف بالهيدروجين، لأنه يحتوي على كمية كبيرة من الأفلاتوكسينز (Aflatoxins) وهي مخلفات للفطريات.
الطريقة: تنقع الفول السوداني في موية مع 20-30 قطرة من الهايدروجين بروكسايد. راح تنصدم من كمية الفقاقيع اللي راح تطلع بعدها! خليه ساعة في عملية النقع.

روابط مفيدة

كتبت في: تنظيف الاكل الغير العضوي - كشميري.

حلول - كشميري