مين Kash؟
أيش بسوي؟
دائماً أحب أتخيل اني بسوي أشياء كتير في الحياة، ودا اللي أحبه أحب اني اسوي ألف شيء، واجلس أصنع أشياء جديدة تحمسني.
حالياً أنا متفرغ بالكامل لأعمالي الشخصية، ومساحة لي أنه اكتشف وأجرب أشياء جديدة.
اهتماماتي الحالية:
- تطوير مواقع، ومشاريع على الإنترنت تصنع فارق 🚀
- شوية سفر وإستكشاف 🏍🗺
- الطبيعة وكل ما يأتي مع الطبيعة 🏞️
شغال على:
- جدول ⚽💙 – إدارة وتطوير، موقع وتطبيق خاص بجداول الكورة بدأته في 2010.
🎧 مقابلتي في بودكاست تيار أتكلمت فيها عن جدول.
أشياء ثانية:
- 222Fruition 🌱 – البراند الام تحته مشاريعي وأقدم فيه خدماتي.
- البودكاست العربي 🎧 – موقع ودليل لبرامج البودكاست العربية، سويته عشان أحب البودكاست وحسيت البرامج العربية تحتاج دليل مرتب.
أرسل لي هدية 🎁
قبل فترة سويت قائمة على أمازون Wish List وأرسلتها لأهلي عشان لما يبغوا يجيبوا لي هدية ومحتارين يكون عندهم خيارات وأشياء فعلاً أكون أبغاها وحتفيدني، الآن فكرت ورتبت القائمة زيادة وقلت بنشرها هنا.
لو حسيت أنك تبغى تجيب لي هدية في يوم من هنا تقدر: أمازون Wish List.
أقرأ البوست الأول: “ليش بلوق، ليش دحين؟” لو تبغى تعرف ليش بدأت هذا الموقع.