بوست شاذ. خذ لحظة واتذكر انه اللي بتشوفه في التايم لاين في انستقرام بالذات هو غالباً اللحظات المثالية من حياة الشخص النجاحات، الاجازات الرهيبة، الافكار المرتبة، وحتى الصور اللي تشوفها انت ادرى كم مره متصورة بكم زاوية ولقطة وبعدها مصنفة عشان تختار احسن صورة وتنشرها، وانت في احسن مود غالبا “وبصفاء افكارك”. ما في شي غلط في الموضوع، الناس تبغى تشارك اللحظات الرهيبة والاشياء الكويسة. بس أنت ذكر نفسك كل فترة انه انت بتشوف غالباً جزء واحد من حياة هذا الشخص. الجزء اللي هوا يبغاك تشوفه بطريقته، فاول شي انتبه تبالغ بالحكم على مثالية حياة الشخص، اثنين لا تقارن حياتك وتجربتك باي احد ثاني قد ما تقدر، وبعده لو كنت تحس بشعور سيء لما تطول هنا، فاطلع واعرف متى تفتح ومين تتابع.
خليك انت المتحكم. أحيانا احب انستغرام واحيانا لا. في ناس عندهم مناعة قوية وناس لا. الأكيد كلنا نحتاج نذكر نفسنا من فترة لفترة. ممتن لانستقرام، حتى ديسكڤر الكلب احيانا يجيب اشياء تعجبني. ⁦⁦