الأصحاب والمشاعر 💁‍♂️

اهلًا كشميري
كيف حالك؟ ابغى اقولك اني بدأت اسمع بودكاستك في وقت كنت وحيده فيه تمامًا وكنت اشعر فيه بارتباط جدًا كبير. لأن تفكيرك ونظرتك للامور تشبهني جدًا وبالذات لما يكون البودكاست معاك انت وعبدالله سوا بالنسبه لي عيد حقيقي عادي انط واصرخ بشويش انو يسسس ارهب اثنين نزلوا شي جديد. حقيقي انا ما اشغل الاشعارات ولا يجيني خبر انك نزلت حلقات جديدة بس افتكرك تلقائيًا لما اكون في مود العمق والفلسفه ونفسي اشارك احد. حواراتك مع عبدالله حقيقي احس اني فالقعدة معاكم والآن خارجة من نص حلقة الاصدقاء والمشاعر وقلت لازم اعبرلك بأي طريقة عن الكلام اللي فخاطري. شكرًا جدًا لك وممتنة لك بشكل ما تتصوره والله يديم علاقتكم انت وعبدالله ويحفظكم لبعض وحب الاصدقاء العميق شي مقدس عندي جدًا. طبعًا الآن انا في مرحلة بدأت استوعب فيها اهمية العلاقات واحتياج الانسان للصداقات والعلاقات القريبة والconnection اللي يصير فعشان كذا خرجت البارح مع وحدة من اعز صحباتي اللي ماكان بيننا تواصل وتكلمنا ٦ ساعات ومررره انبسطت وحسيت لما صحيت من النوم ثاني يوم صحيت وانا مبتسمة واقول الحمدلله كثييير لأني سويت هذا الشي وقابلت انسانه احبها. احب بودكاستك جدًا واحب كلامك وعقليتك وتفكيرك جدًا جدًا جدًا ماشاءالله والله يزيدك ويعطيك حتى يرضيك حقيقي اقولها من قلبي. كل مره حاجة مختلفة تذكرني فيك وارجع اشيك اذا نزل حلقات جديدة او لا، هذي المرة كانت اغنية فاضي شوية. دخلتني في ذكريات ومود واشتياق وحاجات كثير وبعدين افتكرت انك رفيق هذي الاحاسيس♥️♥️♥️