نظرية السميوليشن Simulation

في هذي الحلقة أتكلم عن نظرية المحاكاة simulation أيش هي وأيش تعني.

الترجمة الحرفية لكلمة simulation هي المحاكاة.

وهي نظرية تقول إنه عالمنا المادي الحالي اللي نعيش فيه ممكن يكون عبارة عن محاكاة زي محاكاة الكمبيوتر والعالم الإفتراضي اللي في داخله.

عشان نكون واضحين أكثر هذا فقط تمثيل، للفكرة. هنا ممكن نرجع نستذكر واحد من المبادئ الهرمسية المهمة واللي يقول “كما في الأعلى، كذالك في الأسفل”

الأشياء اللي موجودة في عالمنا هذا حتساعدنا نفهم الطبقة الأعلى اللي فوقنا وهذا أقرب شيء نقدر نوصل له.

لو نبغى نفهم كيف عالمنا هذا يشتغل ممكن نتأمل ونطل في أمثلة مختلفة نعرفها.

أمثلة:

اليوم الألعاب بتطور أكثر وأكثر
وقاعدين بنحاكي عالمنا هذا ونسوي سميوليشن خاصة فينا
إيلون ماسك يقول: “في يوم حنوصل لمستوى حنسوي لعبة ما نقدر نفرق بينها وبين عالمنا” و “في احتمال اننا حالياً في سميوليشن جوا سميوليشن جوا سميوليشن” وإنه أحنا ما نسوي محاكاة الا لو العالم الخارجي كان ممل.
كمان نسوي محاكاة عشان نجرب ونتعلم نتائج قرارات وخطوات بشكل أسرع وبدون تكلفة عالية.
ما نلعب لعبة الا لو كنا طفشانين. نتفرج فيلم لما نطفش برضوا. وهكذا…

الموضوع اليوم هذا العلماء والفلاسفة بيتكلموا فيه
حيبان لنا أكثر مع الوقت
الإستيقاظ اللي بنمر فيه بيوعينا على السيميوليشن اللي احنا فيها.
“السيميوليشن هنا عشان توفر لنا تجربة وعالم يساعدنا نتعلم ونجرب طرق مختلفة للوجود”
احنا مو في كمبيوتر بالمعنى الحرفي.
البوذيين والهندوس سموها المايا بمعني الوهم/السحر في الدين وصفت الحياة بانها لعب ولهو، أفلاطون وصفها بالحياة داخل الكهف.

2 أبريل، 2022

السميوليشن Simulation 📀