النظرة للزمن والتغيير 🕰

كلامك جميل.. و الطف شيء كان العصفور اللي جا في نص كلامك.. أحس الحيوانات تنجذب للطاقة الجميلة دايماً و تجي عندها.. ولمن قلت إنه دايماً الناس يحسو إنه زمان أحلى.. أنا أحس لأنه كل ما كبر الشخص كل ما تعلم أكثر و عرف حقائق أكثر و كمان كثرت مسؤولياته و هذا يقلل من راحة البال و السعادة بس في نفس الوقت في إحساس جميل يصاحب الإنجاز و إتمام المسؤوليات بس الناس إللي ما عندهم حس المسؤولية حيجلسو يقنعك إنه زمان أحسن و كدا.. بس هذا من ناحية المسؤوليات و العلم بس من ناحية الأحداث و خصائص الزمن و إيش بيصير من حولنا أحس أكيد يفرق كثير و بصراحة ما عندي ملاحظات عن الموضوع بس أحس وقتنا الحالي جميل و فيه مساحة كبيرة للتعبير عن النفس و في تقبل كبير لاختلافات الناس مقارنة بالأمان اللي كانو الناس ما يتقبلو ولا شي بسهولة…. أما بالنسبة لكبسولة الزمن قد عملت وحدة بس كانت مدتها قصيرة مو سنين بس مرة لاحظت إنه اللي قلته صار بالزبط! لأني لمن قلته صار هدف و صار حقيقة..
شيء أخير بقوله.. سوى إللي يريحك بدون ما تبرر.. الناس إللي يحبوك و يحبو المحتوى إللي تنشره ما راح يهمهم إلا إنك تكون على طبيعتك و مرتاح و هذا هو الطبيعي من وجهه نظري..
🦋

اهلاً ..
شكراً حقيقي على دي الحلقة اللي جات في وقتها بالزبط
انا عشت 24 سنة من حياتي و كأنوا في أحد بيجري ورايا فعلياً , ماكنت استشعر أي شيء امر فيه و ما أوثق أي تجربة مريت فيها سابقاً و كان مصير دا كلو للنسيان , و عدم الإحساس بالإنجاز ..
مؤخراً من سنة تقريباً استوعبت انو انا ضيعت كثير من حياتي و انا مو حاسة و مو عارفة اذا كنت انا مبسوطة ولالا
اللي اعرفو انو كنت كأني في دوامة استنى الأشياء تخلص عشان اشوف ايش اللي بعدو !
و دحين سرت أحس اكثر بالزمن و استمتع بالتجارب و بالشغل و الدراسة , سرت واعية أكثر بنفسي و بروحي , مؤمنة بقدراتي وإمكانياتي و كيف أوجهها , و حقيقي أحس نفسي محظوظة الحمدلله إني عايشة في أحسن فترة زمنية ممكن الواحد يعيش فيها .

عموماً مدري ايش علاقة كلامي اللي قلتو فوق بالكلام اللي قلتو انتا بس حبيت أشاركو, و شكراً ليك مرة ثانية ..