تقول أهدافك ولا ماتقول؟ أيش الفرق بين كل وحدة منهم؟ وبحكيك النتيجة اللي حسيتها من تجربتي، في هذي الحلقة.
ليش ما تقول هدفك
- تحس أنك أنجزت وأخذت المكافأة قبل لا يتحقق الهدف وتسويه.
- ممكن أنك تواجه مصاعب / تفشل / تغير رأيك / والناس بعدها تدخل معاك في نقاشات ما تحتاجها.
- ممكن الناس تدخل عليك وتقول آرائها اللي تنعكس على حياتها هيا، وتصعب عليك.
ليش تقول هدفك
- بيخليك تلتزم لانه الناس بتكون كأنها رقيب على هدفك.
- حتحس إنك أعطيت وعد ولازم تقول للناس لو إنك فشلت في تحقيق الهدف.
- ممكن يعطوك نصائح في محلها، لو كان الشخص المناسب حيساعدك في التخطيط لهدفك ومراجعته.
- تعلنه للعالم ونفسك وتبدأ تعرف نفسك بهذي الحقيقة وتكونها.
نصائح
- تأكد من نوع الهدف: وهل أنسب إنه تقوله أو تخليه لنفسك.
لو كنت متأكد من هدفك واستمريت عليه لفترة أبدأ أتكلم عنه. - تقدر تشارك مع قروب صغير من أشخاص تثق فيهم، هذا القروب يتعاون معاك ويساعدك في الطريق.
- حاول تنتبه ما تعطي أحد ثاني إحساس المكافئة المبكرة بتحقيق هدفه قبل لا يحققه أو يستمر عليه.