أحسن نوع ستيفيا وكيتو

في رحلتي للأكل الصحي، والتحويل لبدائل سكر صحية، جربت Maple Syrup العضوي والـ Agave Syrup كلهم رهيبين كانوا. كنت أستخدمهم، الى قبل فترة قررت أجرب أوقف من الأشياء اللي ترفع السكر في الدم، وكنت أبغى بديل سكر يكون كيتو نباتي. سمعت عن الستيفيا من تجربة محمد كيلاني: بدائل السكر.

أول تجربة ليا مع الستيفيا كانت الستيفيا الخضراء، وصراحة كانت سيئة، ما قدرت استحمل طعمها القوي زي ناس كثير. الموضوع إنه في نوع ستيفيا ثاني لونه أبيض. جبته وأول تجربه له برضوا ما كانت مره كويسة الطعم كان قوي. بس أظن لاني ما كنت متعود على الكمية وحطيت كثير.

بعد كم تجربة الآن طعمه مره حلو. سكر، سكر!!. ومره عاجبني انه بودرة مو سائل. حقيقي مبسوط.

الموضوع احتمال يحتاج تعود لك، وطبعاً تدريجي لو أنت تاكل اربعة ملاعق سكر مكرر الآن، أكيد حتحتاج تخفف تدريجي حتى حاسة تذوقك ترجع طبيعية. الرهيب في الستيفيا، إنه صفر Glycemic index. يعني ما يرفع سكر الجسم ولا نقطة!

وصفات جربتها بالستيفيا 🌱

جميع الوصفات تعتبر كيتو ونباتية 😍

• وصفة شوكلاتة صحية 🍫
• كرات اللوز
• حليب اللوز 🥛
• عصير ليمون 🍋 – مؤخراً جربت اسويه ومره عجبني! 1- موية 2- ليمون معصور 3- وشوية نعناع 4- ستيفيا.. وأحلى Lemonade

أنواع الستيفيا البيضاء 🛒

هذي أحسن الأنواع أو الشركات، من بحثي وتجربتي للستيفيا واللي تجي في شكل بودرة بيضاء.
تقدر تطلبها من اي هيرب، أستخدم كود الخصم: MOH4259

• Now Foods, Better Stevia – النوع اللي جربته وأنصح فيه بشدة، خام.
• Wisdom Natural, SweetLeaf – نوع ثاني سمعت عنه شكله كويس كمان من آراء الناس.

تنبيه

في أنواع لازم تتجنبها وتنتبه منها، كثير من أنواع الستيفيا اللي في السوق فيها إضافات غير صحية، فانتبه تأخذ من هذي الأنواع، وحاول تأخذ نوع ستيفيا خام قدر الإمكان.

هذي المواد أكس أحمر 🙅‍♂️

1. Sparatum ❌
2. Maltitol ❌
3. Sucrose ❌

لاخوف من Silicon Dioxide.

مرجع: Kilani Summary Document