تجارب، حكاوي، وشوية شطحات.

رحلة الصيام على العصيرات

أيش احلى من اليوم الي أرجع له للاكل الحي حقي مره ثانية متحمس! 
اليوم أخلص ثالث تجربة صيام على العصيرات كل التجارب الي جربتها كانت تقريباً أسبوع واحد، اليوم هو اليوم الثامن من ثالث تجربة ليا، اليوم حكسر الصيام بال Smoothie والاكل.

أتكلمت في blog قبل عن الصيام وDetox، شيكها لو ما قرأتها لسه “أنولدت من جديد! تجربة صيام عن الأكل لمدة أسبوعين”.

الآن ابغى اتكلم بشكل أعمق عن التجربة، والأشياء الي مشيت عليها، وأيش اتعلمت.


هدفي من الصيام

كل تجربة أصوم فيها يكون لها نية معينة، هذي المرة مو Detox أو تنظيف عام. بما إني قاعد أسوي Parasite cleanse وبأخذ الاعشاب، حبيت ادي الموضوع دفعة أقوى زيادة، في الصيام عن الأكل قوة الأعشاب تكون أقوى بالضعف بما انه ما في هضم بيحصل أو أكل ثاني يتعارض معها، هذا السبب الرئيسي.
قربت أخلص Parasite cleanse الي مدته ثلاثة شهور وحكتب عنه وعن النتائج لما أخلصه.


ليش نصوم؟

فائدة الصيام سواء على الموية أو العصيرات إنه يعطي الجهاز الهضمي راحة، الجسم أغلب طاقته تروح في هضم الأكل! لما يرتاح الجسم وما يكون مشغول بعمليات الهضم، يبدأ يركز على تنظيف أعضاء الجسم وتطهيرها، في ناس كثير تصوم عشان تعالج أمراض مستعصية مالها حتى حلول، الجسم عنده كل السحر  والقوة إنه يعالج نفسه من أي شي لو أعطيناه الفرصة، ووقفنا الأشياء الي تسبب المشاكل.

الصيام عن الاكل من الأشياء الي ينصح بيها مره في تغير الفصول زي الخريف والشتاء.


قواعد الصيام

في Rules أساسية دائما اتبعها لما أصوم وعادات معينة أسويها في هذي الفترة:

  • ما أعصر فواكه 

    السبب الي يخليني ما أعصر الفواكه، هو أنه السكر يصير مركز مع العصر والاياف مهي موجودة الي توازن هضم السكر، بالتالي مضر، واكثر شي ما ابغاه وانا اسوي Parasite cleanse أنه أغذيهم بالسكر الي يحبوه، تقدر تلاحظ كمية السكر وال rush الي تجيك لو تشرب عصير برتقال كمية سكر مو طبيعية، الفاكهة الوحيدة الي مسموح بيها هنا التفاح الأخضر. الي استخدمه في العصيرات خضار وورقيات خضراء (سبانخ، جرجير، بقدونس، مورينقا) الي فيها كل الطاقة والسحر.

    ملاحظة: في الخلاط عادي تحط فواكه لانه انت بتخلط كل شي، هيا مجرد الفاكهة نفسها بس صارت مهضومة.

  • أحط كرفس Celery في كل شي

    في ناس ماتحبه، بس شخصياً أحبه من أكثر الأشياء المفيدة والعلاجية، غني وعالي في الكتروليات “electrolytes”، بوتاسيوم، ماغنيسيوم.. ويعتبر مصدر ممتاز للموية وترطيب الجسم hydrating.

  • أسوي عصيراتي بنفسي وأشربها في وقتها

    أفضل شي تشرب العصير في لحظتها وهوا fresh ما يكون عدى عليه 20 دقيقة، السبب إنه فائدة العصير كلها موجودة لما يكون طازج fresh، اول ما نعصره تبدأ جدران الخلايا فيه تتكسر، بالتالي تبدأ تنقص قيمة vitamins و enzymes ويتعرض لـ oxidation الأكسدة.

    لو ما كنت تقدر تشرب العصير في وقته بسبب الدوام، وتحتاج تاخذ عصيرك معاك ويكون جاهز من قبل، مو مشكلة برضوا بس أنا بتكلم عن أفضل شي ممكن تسويه.

    * ما أنصح احد يصوم وقت دوام انت في هذي الفترة تحتاج راحة من كل شي من الضغوطات والتوتر، تحتاج ترتاح وتعطي جسمك فرصة ينولد من جديد.

  • أساعد الجسم في التنظيف والتخلص من السموم، Dry brushing، Enema، Neti pot

    في هذي الفترة الجسم يسوي كل شي يقدر عليه عشان ينظف الجسم، السموم دي لو أتجمعت في الجسم وما طلعت تسبب أشياء كثير الناس يعتبروها طبيعية في الصيام أو detox reaction، زي الصداع، حبوب البشرة، eczema، الغثيان. كل دا يصير لانه الجسم ما بيتخلص من السموم وبترجع للدم، البشرة، وقنوات ثانية عشان يتخلص الجسم منها.

  • أنام بدري 

    هذي النقطة مره مهمة وما أنتبهت لها في اول صيام ليا، الجسم من الساعة 10 إلى 2 الصباح، يطلق الهرمونات العلاجية “healing hormones” ولازم تكون نايم عشان يصير دا الشئ.

  • أرتاح Relax

    ما في شي يوترك ويقلقك أرتاح وروق، في وقت العلاج مهم الواحد يكون مسترخي إمكن الي أكثر ضرر علينا من أكلنا وعادتنا الغير صحية هو صحتنا النفسية التوتر يهلك الجسم.


الفرق بين العصيرات و الـ Smoothies

العصيرات (Juicing): ببساطة هي عملية عصر الخضار والفواكه والورقيات والتخلص من الالياف fiber واللب pulp بالتالي جسمك ما يحتاج يهضم شي، العصيرات هي أفضل طريقة للعلاج والصيام وجسمك يستمر يحصل على الفيتامينات والتغذية الي يحتاجها.

الخلط (Smoothie): هنا أنت بتخلط الفاكهة بشكل كامل وبتحصل على كل الالياف بس الفرق انه سائل وتقريباً مهضوم لك قبل، وحيحتاج مجهود أقل من جسمك عشان يهضمه.


أنواع عصيرات أسويها

هذي أفكار عشان تساعدك لو تبغى تصوم على عصيرات صحية، أنا اكد لك انه ما راح تعجبك في البداية وطبيعي دا الشي، خذ الموضوع حبة حبة، وسوي خلطتك، الانترنت مليان كمان بأفكار.

عصير 1 عصير 2
كرفس تفاح 
تفاح  خيار
سبانخ  ثوم
جزر زنجبيل
خيار كرفس
زنجبيل  جرجير 
ليمون  بنجر
  بقدونس 
  ليمون 

 


أهمية ال Enema

أتكلمت كيف أنه مهم إنه نساعد الجسم في التخلص من السموم، واحد من أهم الاشياء هوا Enema، الي ما يعرف ايش الانيما بحط رابط تحت لمقالة تفصيلية تشرح فائدتها وكيف تستخدم لتنظيف القولون.
الانيما راح تساعدك تتخلص من أعراض كتير تصير بسبب الصيام أو الديتكوس:

  • صداع
  • المزاج الملخبط
  • الامساك
  • الكسل، والخمول

الاكل العاطفي Emotional eating

من تجارب الصيام، جسمي مر بحالات ديتوكس كثيرة ومازال مع Raw food diet (الأكل الحي)، الشئ العجيب هو كمية المشاعر الي اتحررت مني وعشتها في الفترة الأخيرة سواء مشاعر جديدة أو اشياء قديمة مكبوتة صارت تطلع.

العلاقة قوية بين المشاعر والهضم، أكثر شئ زي ما قلت يشغل طاقة الجسم هو الأكل وعملية الهضم، و اول ما يتوقف دا الشئ في حاجة تحصل، الجسم يصير يحرر مشاعر كثير وتطلع لك في صور مختلفة سواء في احلام او الام جسدية وأفكار قوية، مهم في هذي الفترة أنه نحس بهذي المشاعر بشكل كامل وما نتجاهلها، لانها كانت مكبوتة وتحتاج تتحرر وتتركنا.

وأستوعبت بوضوح شديد كيف نخدر نفسنا ونكتم مشاعر كثير بالأكل، وتلاقي ناس تقول “لا تحرمني من الأكل الشئ الوحيد الي يبسطني ويفك عني” هذا كله لانه فعلاً لما نعبي بطوننا أحنا بطريقة ما بنشغل الجسم من التركيز على المشاعر الي مفروض تتعالج، ويصير ينشغل بعملية هضم الأكل.

الرحلة طويلة، في كلام كمان عن العلاقة بين الصيام والكارما Karma وكيف تساعد في تحريرها.


سجلت حلقة في بودكاست Saudi Veggie 🌿 فصلنا فيها موضوع صيام العصيرات وشاركنا تجربتنا: 🎧 #02 الصيام على العصائر

من كل إلي بتعلمه واستوعبه في الفترة الأخيرة عن الصحة، اكثر شي مذهل بالنسبة لي هو قوة الجسم في كيف انه يستحملنا ويدافع عننا طول هذي الفترة، رغم إنه أحياناً نغذيه بأشياء غير طبيعية وفضائية عليه، ومع ذلك الجسم بيتعامل مع الموضوع وكل يوم يقاوم. تخيل أيش بيصير لما توقف الأشياء الي تضره؟

 
أشياء وروابط أتكلمت عنها:

قصة الغلاف: الصورة هذي صورتها في واحد من الأيام الي كنت صايم فيها، وقاعد امشي وأستمد الطاقة من الشمس العظيمة.


في بالك كلام؟

  1. 10 ديسمبر، 2017

    جدول الفواكة هل قصدك عصير ١ و عصير ٢ ؟

    مره بتحمسني!! بس جدا جدا مترددة




    1
    1. 10 ديسمبر، 2017

      أيوا، عصير 1 و 2 مثال بس.
      تقدري تجربي أشياء ثانية كمان.
      ابحثي: Green Juice recipes حتحصلي كتير، Pinterest فنان كمان.
      جربي يوم صيام حتكتشفي أنه مو صعب، وخلي عندك سبب قوي لليش تبغي تصومي، ولما تحسي أنه الوقت أبدأ باسبوع ولو قدرتي سوي أكتر.

  2. 10 مارس، 2018

    الاكل الحي دايم يخلي الشخص spiritual




    2

حرسلك الأشياء الجديدة الي بشتغل عليها