قبل فترة صاحبي محباتشي حكاني عن كتاب Ikigai وتحمست وقرأته، وبعدها اتناقشنا في الكتاب ووصلنا إلى أنه الفكرة سهلة وبسيطة وما تحتاج تقرأ الكتاب كامل عشان تفهمها. كتبت ملخص نقاط لنفسي للكتاب وقررت اشاركها معاكم.
الإيكيغاي IKIGAI 生き甲斐 فلسفة يابانية 🇯🇵 تجاوب على سؤال “أيش الشيء اللي تعيش عشانه؟” أو “أيش يخليك تصحى الصباح كل يوم؟”
يركز على هذي الجوانب:
- أيش تحب تسوي؟ (هواياتك)
- أيش تعرف تسوي؟ (مهاراتك وقوتك)
- أيش يحتاج العالم؟
- أيش ممكن تسوي ويجيب لك فلوس؟
كيف تطبقه في حياتك؟
عشان تبدأ تطبقه على طول، ممكن تسوي جدول لكل قسم من هذي الأربعة أقسام وتبدأ تجاوب وتحط نقاط تحت كل عامود. حيساعدك تفهم نفسك وتعرف فين قوتك والمهارات اللي يحتاجها منك العالم…
| أيش أحب أسوي؟ | أيش أعرف أسوي؟ |
|---|---|
| – | – |
| – | – |
| – | – |
| – | – |
| أيش يحتاج العالم؟ | أيش يجيب لي فلوس؟ |
|---|---|
| – | – |
| – | – |
| – | – |
| – | – |
ملخصي لأهم نقاط الكتاب
- مو لازم تؤمن بالتقاعد لو كنت تسوي شيء تحبه.
- المفتاح لطول العمر: نظام أكل صحي، ممارسة الرياضة، معرفة غايتك وسببك، والروابط الإجتماعية.
- “املأ بطنك حتى 80٪ فقط”.
- السعادة تلاقيها في السعي والفعل نفسه، مو في النتيجة.
حالة الـ Flow 🍃 🌊
الكتاب يتكلم كثير عن أهمية إنك تكون في الـ Flow لو بترجمها فهي حالة من الاندماج والتدفق، ببساطة لما تنشغل في شيء تسويه وتحبه مرة لدرجة تنسى الوقت والجوع!
- خليك في حالة من الاندماج flow.
.Be in a state of flow - ابدأ ولا تتلكع، أول ما تبدأ بخطوات صغيرة، حتبدأ تندمج وتدخل في حالة flow من الاندماج.
Get started don’t dwell, as soon as you start with small steps, you will get in a flow. - العادات اليومية تساعدك تدخل في حالة الاندماج.
- التركيز على شيء واحد راح يساعدك تندمج وتدخل في حالة flow.
- أكثر الناس سعادة هم الأشخاص اللي يقضوا أغلب الوقت في حالة من الاندماج والتدفق. مو اللي يحققوا أكثر.
- إبتسامك لناس هو من أهم مفاتيح السعادة.
- سلم على الناس اللي تقابلهم في الشارع حتى لو ما تعرفهم.
أشياء عجبتني
- 📼 فيديو من ورشة يعلمك كيف تستخدم Ikigai
How To Find And Do Work That You Love (Ikigai)