في هذي الحلقة أتكلم عن الصيام وأنواعه المختلفة وليش الناس تصوم، وبشارك معاك من تجاربي مع الصيام والنصائح اللي عندي.
أنواع الصوم
في عدة أنواع لصيام برتبها حسب اللي أشوفه أسهل للأصعب.
- صيام متقطع Intermittent fasting
الفكرة أن تصوم 16 ساعة في اليوم وتأكل في خلال فترة 8 ساعات. وبالتالي تأخذ فائدة الصيام بشكل مستمر. - صيام على السموذي
السموذي يحتوي على ألياف الفاكهة أو الخضار، ولكن أغلب الهضم قام به الخلاط ويتبقى جزء بسيط لجهازك الهضمي. - صيام على العصيرات
العصير لا يحتوي على ألياف لان العصارة تقوم بازالته وتخرج لنا فقط العصير، وبالتالي تستفيد مباشرة من الفيتامينات والمعادن، وبدون أي مجهود لجهازك الهضمي ليقوم بهضم الطعام وهذا هو المقصود بصيام العصيرات (الديتوكس). - صيام على الماء
المقصود به هو الصيام لفترة معينة فقط بشرب الماء. هذا النوع يحتاج منك فهم ومتابعة لصحتك والتأكد من أنك تستطيع القيام به. - صيام عن الطعام والشراب Breatharian
وهو واحد من الأنواع الغير معروفة كثير لخطورته وصعوبة القيام به، وهو الصيام عن الطعام والشراب والحصول على الطاقة والغذاء مباشرة من المصدر. هذا النوع لا يجب عليك القيام به بدون إشراف ومتابعة وفهم كامل له. تقدر تبحث أكثر عن breatharian.
ليش تصوم؟
- راحة وتنظيف للجسم
الصيام عن الطعام من أسرع الطرق لتنظيف وتطهير الجسم من السموم ومساعدته في العلاج. الجسم أغلب طاقته تروح في هضم الأكل! لما يرتاح الجسم وما يكون مشغول بعمليات الهضم، يبدأ يركز على تنظيف الجسم وتطهيره. - إعادة ضبط وموازنة للهرمونات والمشاعر
الصيام يساعد في موازنة الهرمونات وإعادة ضبط النواقل العصبية neurotransmitter بكفائة أعلى. - حرق دهون
في وقت الصيام يتحول الجسم لاستخدام الدهون المخزنة كمصدر لطاقة ويقوم بحرقها، وكثير من الناس يصوموا لتخلص من الدهون والوزن الزائد. - طاقة وتركيز أكبر
- تطهير للمشاعر (الأكل العاطفي)
العلاقة قوية بين المشاعر والهضم، أكثر شئ زي ما تكلمنا يشغل طاقة الجسم هو الأكل وعملية الهضم، و اول ما يتوقف دا الشئ في حاجة تحصل، الجسم يصير يحرر مشاعر كثير وتطلع لك في صور مختلفة سواء في احلام او الام جسدية وأفكار قوية، مهم في هذي الفترة أنه نحس بهذي المشاعر بشكل كامل وما نتجاهلها، لانها كانت مكبوتة وتحتاج تتحرر وتتركنا.
تغير الفصول 🍂🍃
فترة تغيير الفصول مثل فصل الخريف والربيع، تعتبر مناسبة لتنظيف والتطهير سواء لجسمك أو المكان والبيئة من حولك. هي فترة طاقتها تنظيف وتجديد.
تجربتي
كتبت وشاركت في تدوينات مختلفة تجاربي مع الصيام بتفصيل وتعمق.
- تجربة صيام عن الأكل لمدة أسبوعين
أشارك تجربة تغييرات نظام اكلي في 2017، أيش وصلني انه اكون vegan نباتي وبعدها raw vegan. - رحلة الصيام على العصيرات
تجربتي في صيام العصائر، أيش حسيت وايش أتعلمت منها، نصائح وأنواع عصيرات أسويها في الصيام.
نصائح لصوم
في أشياء مختلفة أنتبهت لها من تجاربي المختلفة مع الصيام، تقدر تنتبه لها عشان تستفيد من تجربتك في الصيام.
- حط هدف من الصيام
حط هدف ونية من هذا الصيام، كمان ممكن تحط هدف يتعلق بتبني عادة صحية وإجابية جديدة. - حدد المستوى المناسب لك
ممكن يكون أسهل وأنسب لك تبدأ بالصيام المتقطع وتلغي وجبة الفطور من يومك أو ممكن تكون متحمس تبدأ مباشرة بالصيام على العصيرات شوف أيش يناسبك. - خذ راحة من كل شيء
ما أنصح احد يصوم وقت دوام أنت في هذي الفترة تحتاج راحة من كل شي من الضغوطات والتوتر، تحتاج ترتاح وتعطي جسمك فرصة ينولد من جديد. - النوم المبكر
نام في وقت مبكر ولا تأكل قبل 3 ساعات من وقت نومك. - أستخدم عصارة تعمل بالعصر البطيئ
تقنية العصر البطيء تخرج لك أكبر كمية من العصير وما تأثر على الإنزيمات اللي فيه، وتبطئ من أكسدته. - أشرب عصيرك في وقته
تحصل على أكبر فائدة لما تشربه في وقت عصره، لانه مع الوقت راح يتعرض للأكسدة. - تجنب عصر الفواكه
السبب اللي يخليني ما أعصر الفواكه، هو أنه السكر يصير مركز مع العصر والالياف غير موجودة فيه، اللي مهمتها توازن هضم السكر، بالتالي ممكن يصير له ضرر ويغذي الفطريات في الجسم بالسكر. تجنب عصير الفواكه بالذات لو كنت تبغى تعالج مرض. - ساعد جسمك في التنظيف والتخلص من السموم
أستخدم: Dry brushing – Neti pot – Enema
في هذي الفترة الجسم يسوي كل شي يقدر عليه عشان ينظف الجسم، السموم دي لو أتجمعت في الجسم وما طلعت ممكن تسبب أشياء كثير الناس يعتبروها أعراض التنظيف Detox reactions
زي: الصداع، حبوب البشرة، eczema، الإمساك، مزاج سيء، الكسل والخمول. كل دا يصير لانه الجسم ما بيتخلص من السموم وبترجع للدم، البشرة، وقنوات ثانية عشان يتخلص الجسم منها. مساعدتك لجسمك في مهمة التخلص من السموم بيقلل من هذي الأعراض. - أكسر الصوم بأكل خفيف
مهم في نهاية صيام إنه تكسر الصيام تدريجياً وبشكل خفيف، على فاكهة تحتوى على الكثير من الماء مثل البطيخ 🍉 أو سموذي لإنه جهازك الهضمي له فترة في راحة. كل شيء خفيف وبكمية قليلة وبهدوء وتركيز وإمتنان.
أشياء أتكلمت عنها
- 📼 الانيما – الحقنة الشرجية
- 📼 How and Why to do an ENEMA
- الانيما – تنظيف القولون (مقالة)
- 📖 Heal yourself 101
- تجربة صيام عن الأكل لمدة أسبوعين
- رحلة الصيام على العصيرات
- Fat, Sick & Nearly Dead
- تجربتي عصارة السيف البطيئة
- قناة تلغرام
- روابط حساباتي وموقعي
في بالك كلام؟
الحلقة مو بس حلوه إلا جبارة احس كنا نحتاجها و احلى شيء صراحتك لمن اتكلمت انك ما كنت فاهم و كنت تشرب شُرب بدل العصير عموما شكرا لمشاركتك معانا هذا البودكاست الخطير 💗🌸.
بالنسبة للصيام على فكرة في صيام سمعت عنه اول مره من عند محمد كيلاني اسم الحلقة طريقة لتنظيف الكلى و هو قال انه المفروض محد يعمله الا لمن ننظف الجسم بترتيب و نوصل إلى الكلية بس كنت مره متحمستله و يعني هو عبارة عن ليمون فقلت ممكن ينظف القولون بالمره و جربته كان حلو و خفيف دم لانه بس يوم واحد و صراحة شفت منه فوائد و انا عملته قبل رمضان كنت ابغا اهيِّء جسمي و حسيت هذه الطريقة عجبتني و قلبي ارتاح لها فجربتها.
و ايوه على طاري الصيام لو تبغا نتيجة روحانية فاعمل صيام عن الكلام مع الصيام العادي حتى لو بس ليوم اعمله مره نتيجته حلوه💖💫.
و لو تبغا نتائج روحانية و تنظيف من الموجات الكهرومغناطسية في حاجتين جربتها و عجبتني و ما افكر اقطعها ابدا من نتائجها و هي محلول حقنة و محلول ببراد الخشم ال neti pot
بالنسبة للحقنة صرت احاول اعملها تقريبا كل شهر مرتين او اكثر حسب استطاعتي و رغبة جسمي و صراحة انا جربتها من دون صيام .. عموما الحقنة عبارة عن طين بينتونايت، ملح بحري، ملح هملايا، ملح انجليزي، و ممكن نظيف شوية زيوت عطرية او شوية من منقوع لبان الذكر .
تقريبا احط ملعقة طعام كبيرة و مليانة من طين البينتونايت لكل ٥٠٠ مل لتر من الماء و ملح تقريبا ممكن نقول ملعقة كبيرة بس مو مليانة من كل نوع ملح .. بس في البداية حاول تدرج لا تحط كمية كبيرة من الطين لانه ممكن يعملك امساك و كثري من سوائل و الماء يومتها و بعدها بيوم .
و ايوه هذا النوع من الحقن لازم يتعمل في حقنة بلاستيك ما ينفع الاستاين استيل مع انه اريح و عملي اكثر انا عن نفسي اخذ اللَّيْ و الرأس السليكون تبع الحقنة الاستاين استيل و اركبها في حقنة بلاستيك و انا مع انكم تتبعوا مسارات الطاقة في جسمكم و انتم تعملوا حقنة .
و ممكن تشتروا حقنة الاستاين ستيل من متجر الصحة المثلى.
طيب بالنسبة لبراد الأنف ال neti put في مره جربت اعمله بفلفل الكايين 🥵🌶 و لحد يسألني ليش هذه القصة طويلة عموما عملت هذه الحركة مرتين و هي لسا يعني من الاشياء الجديدة و المجنونة اللي عمال اجربها المهم اغلوا الماء و طفوا و حطوا عليه فلفل كايين كافي كمية محددة انا اول مره حطيت كثير و اتورط و ثاني مره حاولت اقلل بس مافي كمية المهم و غطوهم و استنوا المحلول يبرد بعدين حطول في البراد و بس حاولوا انكم تمشون السائل خلال كل تجويفكم الانفي يعني دخلتوا البراد من اليمين استنوا إلى أن يخرج السائل من اليسار و خلاص بعدوا عن انفكم و من الجهة الثانية نفس الشيء و على فكرة رخ تحتاجوا كمية قليلة من المحلول لاننا بس رح نحتاج نمرره.
طيب هل في لها مخاطر ايوه اول ما تخرجوا البراد لا تتنفروا و تخرجوا السائل على طول لانه يحرق لانه وقتها رح يروح عند الاذن و رح تجيكم دوخة بسيطة و تحسوا الحرارة كمان تخرج من اذنكم و فعلا اذنكم رح تكون حارة شوية لو مسكتوها.
و على فكرة نتيجتها مو بس روحانية مدري بس حسيت كأنه لها علاقة او في شيء عمال يصير في العين الثالثة لمن اعملها و احس اني اصير مركزة و نبيهة اكثر و واعية لكل شيء عمال يصير وسط جسمي و حولي و بعدها صدقوني بس اذنكم و عيونكم و خشمكم مدري كيف اوصف لكم بزبط بس ينظف و تصيروا اخف جسمك مره يصير خفيف .
و ايوه انا مع انكم تفطروا بعد الصيام على صحن السعادة و عبارة عن صحن مليان خضار مخمرة بالوان مختلفة أو لبن نباتي معمول و مخمر منزليا أو ممكن كوب شاي كوزو أو كوب مرقة عظام مع ميزو مع انها صح غنية بالبروتين و ممكن البعض يحسها ثقيلة بس عن تجربتي احس مرقة العظام عجبت جسمي خصوصا بعد الصيام.
و اذا وصلت إلى هنا فشكرا لحسن قراءتك 💚🌿.
شكراً 🙏
ماشاء الله تجاربك متعمقة وفيها مغامرات 😂 حمستني على حقت الكيان ممكن يوم أقرأ عنها أكثر وأجربها